Wasaaradaha Arrimaha dibedda ee Shiinaha iyo Taiwan ayaa iswaydaarsaday weerar iyo Weerar-celis dhinaca Warbaahinta ah oo salka ku haya Iskaashiga dhex maray Somaliland iyo Taiwan oo Dawladda Shiinuhu ka Damqatay.
Labada Afhayeen ee Wasaaradaha arrimaha dibedda ee Shiinaha Zhao Lijianiyo Taiwan Joanne Ou ayaa shirar Jaraaโid oo kala duwan ku qabtay Xarumaha Labada Wasaaradood ee Caasimadaha labadooda Waddan.
Afhayeenka Wasaaradda Arrimaha dibedda ee Taiwan Joanne Ou ayaa sheegtay in aanay Taiwan Cidna u daba-fadhiisanayn Dalalka ay Xidhiidhka la yeelanayso โDawladda Taiwan iyo Shacabkeedu waxay doonayaan inay horumariyaan xidhiidhka iskaashi ee dal kasta oo qiimeeya Dimuqraadiyadda iyo nabadda..โ ayay tidhi Joanne Ou oo Shalay Shir-jaraaโid ku qabatay Xarunta Wasaaradda Arrimaha dibedda, waxayna intaa ku dartay inaan Waddankeeda Taiwan waxba ka waydiinayn Shiinaha Arrimaheeda.
Afhayeen Joanne Ou waxay Cambaaraysay isku-dayga uu Shiinuhu hoos ugu dhigayo Madax-bannaanida Taiwan โTaiwan waa Taiwan, Dalku kama mid ah Jamhuuriyadda Shiinaha, Dawladda Shiinuhuna weligeed hal Maalin ma xukumin Taiwan..โ ayay hadalkeeda raacisay Afhayeenka Wasaaradda Arrimaha dibedda ee Taiwan Joanne Ou.
Wasaaradda Arrimaha dibedda ee Taiwan waxay ka jawaabaysey hadalka Afhayeenka Wasaaradda Arrimaha dibedda ee Shiinaha Zhao Lijianiyo uu Isniintii ku cambaareeyay Tallaabada ay Taiwan xidhiidhka kula yeelatay Somaliland โTaiwan waxay waxyeelaynaysaa Madax-bannaanida Dhuleed ee Soomaaliya, Shiinuhu wuxuu xidhiidh la leeyahay Dawladda Soomaaliya ee Muqdisho, umana Aqoonsana Somaliland Qaran Madax-bannaanโ ayuu yidhi Afhayeenka Wasaaradda Arrimaha dibedda ee Shiinaha Zhao Lijianiyo, waxaanu intaa raaciyey โShiinuhu wuxuu si adag uga horjeedaa inay Somaliland iyo Taiwan iswaydaarsadaan xidhiidh Rasmiya ama is-dhaafsadaan Masuuliyiin..โ
Labada Dawladood ee Shiinaha iyo Taiwan oo aan horeba xidhiidhkoodu u wanaagsanayn, ayaa sii kala fogaaday ka dib markii Taiwan oo goโday Shiinuhu ay xidhiidh la samaysatay Somaliland.