Sannadkan 2021 miilaadiga oo waafaqsan taariikhda Islaamka 1442, soonka mulsimiinta adduunku aad ayuu u kala fog yahay, marka laga eego dalalku siday u kala durugsan yihiin dhinaca cadeed soo baxa iyo cadeed dhaca. Haddii aynu ku horrayno dalalka ugu badan saacadaha ay soomayaan waxa sannadkan hogaaminaya dalka Finland oo laga soomaya 23 saacadood iyo shan miridh. Waxa aan isla saacadahaasi ka fogeyn inta badan dalalka la isku yidhaa Iskandaneefiyaanka, oo ay ku jiraa Norway iyo Sweden.
Dalalka Ustareeliya ,New Zealand, Chile, Koofnur afrika iyo Urugway ayaa ah kuwa ugu yar dhinaca saacadaha soonka oo laga soomayo 11 saacadood iyo miridho. Inta badan dalalka Carabta qaybta hore ee Rabadaanta waxa laga soomayaa 14 saacadood, hasayeeshee qaybta dambe ee Rabadaanta waxa laga soomi doonaa 15 saacadood. Dalalka Carabta dalka saacadaha ugu yar laga soomayaa waa jasiirada Komoros oo laga soomayo 12 saacadood. Dalalka Yurubta galbeed intooda badani waxa ay soomi doonaan inta u dhaxaysa 16 saacadood ilaa 17 saacadood.
Cali Cabdi Coomay
Suxufi, qoraa ah.
Hargaysa, Soomaalilaanย
ย
ย
ย
Tixraacyo:
https://www.islamicfinder.org/ramadan/
https://www.aljazeera.com/news/2021/4/7/ramadan-2021-fasting-hours-around-the-world