Sooyaalka Wargaysyadii ka soo bixi jiray Soomaalilaan 1949-kii ilaa 2020-ka. Aasaaskoodii iyo Tifaftirayaashoodii (WQ: Cali Cabdi Coomay)

Wargaysyadii 1949-kii ilaa 1960-kii.

• Wargayskii ugu horeeyey ee ka soo baxa waxa la odhan jiray AL-UMMA, oo micnaheedu yahay ummaadda. Waxaanu soo baxay sannadkii 1949-kii. Wuxuu ka soo bixi jiray wiigii hal-mar. luuqada af-carabiga ayuu ku soo bixi jiray. Waxa lagu diyaarin jiray Hargaysa,waxaan lagu soo daabici jiray dalka Yaman. Waxa soo saari jiray Cali Maygaag Samatar iyo Jaamac Jibriil Rooble
• Wargayskii labaad waxa la odhan jiray AL-SOMAL, wuxuu soo baxay sannadkii 1951-kii. Wuxuu ku soo bixi jiray af-carabi. Waxa soo saari jiray Maxamuud Jaamac Uurdoox.
• Wargayskii saddexaad waxa la odhan jiray AL-LIWA wuxuu soo baxay sannadkii 1958-kii. Micnaha Al-Liwa waa calanka.wuxuu ku soo bixi jiray af-carabi. Waxa soo saari jiray Ahmed Yuusuf Ducaale.
• Wargayskii afraad waxa la odhan jiray QARNI-IFRIIQIYA, wuxuu soo baxay sannadkii 1958-kii  badhtamahiisii. Macnaha wargayska ayaa ahaa Geeska Afrika. Wuxuu ku soo bixi jiray af-carabi.waxa soo saari jiray Cumar Maxamed C/rahmaan(Cumar dheere).
• Wargayskii shanaad waxa la odhan jiray AL-SARAAXA, oo micnaheedu yahay runta. Wuxuu soo baxay sannadkii 1959-kii. Sida kuwii hore ayuu af-carabi ku soo saari jiray. Waxa soo saari jiray C/casiis Xaaji Ismaaciil (Dakharre)
• Wargayskii lixaad waxa la odhan jiray Somalilandnews, oo micnaheedu yahay warkii Somaliland. Wuxuu ku soo bixi jiray af-ingiriisi. Waxa soo saari jiray C/rixiin Caabbi Faarax.

Wargaysyadii 1991-kii ilaa 2020-ka

• Wargaysyada  soo baxay waxa ka mid ahaa CODKA HARGAYSA, waxana soo saari jiray C/rahmaan Yuusuf  Cartan, Cumar Jaamac, C/laahi Jaamac Max’ed, Nuur Faarax Xirsi , Cumar Iidle Saleebaan, Cawad Saalax iyo muuse F. Jaambiir.
• Wargayska XORRIYO ayaa ka mid ahaa wargays-yada soo baxay. Waxa soo saar jiray C/laahi Adan Cumar (Wayab), Faysal Fadhfadhle, Muuse Aadan Yuusuf iyo Xuseen Cali Nuur.
• Wargayska Jamhuuriya ayaa ka mid ahaa wargays-yada soo baxay 2.Nov. Sannadkii 1991-kii.

Aasaasayaashii: Xasan Siciid Yuusuf, Faysal Cali Sh. Maxamed iyo Ibraahin Muxumed Aw-Axmed.

Tifaftireyaashii: Xasan Siiciid Yuusuf, Axmed Siciid Cige, Xuseen Cali Nuur, Faysal Cali Sh. Maxamed, Xariir Faarax Ducaale, Maxamed Cabdi Curad iyo Maxamed Cabdi Cirro.

F.G: Faysal Cali Sheekh wuxuu ii sheegay inuu ahaa suxufigii ugu xadhiga badnaa warbaahinta Somaliland. Wuxuu xidhnaa isku-geyn 400 oo maalimood. Dhinaca kalena Xasan Siciid ayaa isna ka mid ah suxufiyiinta xadhiga badan la kulantay.

• Wargayska Waddani ayaa soo baxay muddo yar ka dib. Wargayskani muu sii jirin muddo badan. Waxa soo saari jiray Xasan Maxamed Yuusuf iyo Carraale.
• Wargayska Baraarug ayaa soo isna soo baxay, oo ay soo saari jireen kooxo wadaado ah.

• Wargayska Maandeeq oo imika la yidhaa Dawan ayaa soo baxa ka dib waxaana soo saari jiray Maxamed Cabdi Ismaaciil (Diktoorka), Axmed Cirro iyo Faysal C/laahi Cabdalle. Waana 1998-kii.

• Wargayska Haatuf oo soo baxay sannadkii 2001-dii.

Aasaasayaashii: Yuusuf Cabdi Gaboobe, Axmed Ducaale Bulaale, Maxamed-Rashiid Muxumed Faarax (AUN), Axmed Cali Garas iyo Muuse Faarax Jaambiir.

Tifaftireyaashii soo maray: Siciid Guraase (AUN), Maxamed Ibraahin Sagax, Maxamed Cismaan Dubbe oo imika ah Agaasimaha Maamulka iyo Xisaabaadka ee wasaarada arrimaha gudaha, Cali Cabdi Diini iyo  Axmed Cali Cige

• Wargayska Ogaal oo soo baxay sannadkii 2005-tii

Aasaasayaashii: Muuse Faarax jaambiir iyo C/weli Faarax Jaambiir (AUN).

Tifaftireyaashii soo maray: Mustafe Sh. Cumar, Maxamed Walaaleeye, Barkhad M. Kaariye, C/fataax Mursal, Khadar Iid Kaariye, Khadar Jaamac Dirir iyo C/fataax Ismaaciil.

• Wargayska SaxanSaxo oo soo baxay sannadkii 2007-dii. Aasaasayaashii:

C/laahi Daahir Cukuse.

Tifafireyaashii soo maray

C/risaaq Maxamed Dubbad iyo Cali Cabdi Diini

• Wargayska Waaheen oo soo baxay sannadkii 2008-dii

Aasaasayaashii: Prof. Axmed Xuseen Ciise iyo Maxamuud Jaamac Xuuto

Tifafireyaashii soo maray: Maxamuud Jaamac Xuuto, Siciid Ismaaciil Guraase (AUN) iyo Naasir Maxamed C/laahi waana tifaftiraha ugu da’da yar.

• Wargayska Yool oo soo baxay sannadkii 2008-dii. Maxamed Cabdi Curad ayaa Aasaasay Tifaftire ka ah.
• Wargayska Saxafi oo soo baxay sannadkii 2009-kii. Aasaasayaashii:

Maxamed-Rashiid Muxumed Faarax (AUN), C/fataax maxamuud caydiid, C/fataax dheeg Axmed, Barkhad-Ladiif Muxumed Cumar iyo Maxamed-Amiin Jibriil.

Tifaftireyaashii soo maray: C/fataax Maxamuud Caydiid iyo Mustafe Sh. Cumar.

• Wargayska Foorre oo soo baxay sannadkii 2011-kii. Aasaasayaashii:

Maxamed Maxamuud Yuusuf (Ilkacase), Mukhtaar Muxumed Xasan iyo C/laahi Maxamed Axmed (Gacma-dheere).  Tifaftire: Maxamed Maxamuud Yuusuf(Ilkacase).

• Wargayska Somaliland today oo soo baxay sannadkii 2012-kii. Aasaasayaashii: Muniir Axmed Cigaal. Tifaftire: C/qaadir Adan Cali
• Wargayska Himilo oo soo baxay sannadkii 2013-kii. Aasaasayaashii: Madar Cabdi Axmed. Tifaftire: Khadar Iid Kaariye
• Wargayska Sahan oo soo baxay sannadkii 2014-kii. Aasaasayaashii: Axmed C/raxmaan Xirsi (Heelo). Tifaftire: Siciid Khadar C/laahi.
• Wagayska  Warsugan oo soo baxay sannadkii 2015-kii. Aasaase: Naasir Daahir. Tifaftireyaal: Ibraahin Cabdiraxaan Qaasim, Naasir Aadan Maxamed, C/risaaq Maxamuud Muxumed (Cabdoo) iyo Khadar Jaamac Dirir. 

Cali Cabdi Coomay

Suxufi, qoraa ah.

Hargaysa, Soomaalilaan

Calicoomay@gmail.com

Tix-Raacyo:

Protectorate Office for Media………….Unpublished Paper

Sooyaalka Somaliland 26 June ka hor…… Sayid-Maxamed Yuusuf

Yuusuf Geelle Waaberi……………Goob-Jooge..1955 ilaa imika