Maxkamad ku taalla dalka Britain ayaa xabsi ku xukuntay saddex nin oo lagu eedeeyay in ay soo abaabuleen qulubkii rabshadaha watay intii ay socdeen abaabullaadii ka dhanka ahaa dadka soogalootiga ah ee ka dhacay waqooyiga England todobaadkii hore.
Raggan ayaa dhammaantood qirtay dambiga, waxaana lagu xukumay saddex sano, soddon bilood iyo labaatan bilood siday u kala horreeyaan.
Ku dhawaad afar boqol oo qof ayaa la xidhay ka dib maalmo ay socdeen qulqulatooyin rabshado wata oo ka dhashay weerar tooreey oo ka dhacay waqooyiga magaalada Southport oo lagu dilay saddex gabdhood oo da’yar ah.
Kumanaan booliis ah oo dheeraad ah ayaa heegan la geliyey guud ahaan Britain, kuwaas oo diyaar u ah inay wax ka qabtaan rabshado kasta oo suurtagal ah.
Kooxaha midigta-fog ayaa lagu soo warramayaa inay qorsheynayaan mudaaharaadyo ka badan soddon goobood.
Qareennada socdaalka iyo dhismayaasha ay isticmaalaan magangalyo-doonku ayaa loo malaynayaa inay yihiin bartilmaameedyada ugu muhiimsan, sida ku cad macluumaadka ay ku wadaageen barta fariimaha ee Telegram.
Xigasho:wargeyska dawan Bandhige@gmail.com