Guddoomiyaha Ahna Murashaxa Madaxweyne ee UCID Eng Faysal Cali Waraabe iyo aqoonyahanka Reer Borama ayaa habeenkii xalay ahaa Hoolka wayn Ee Saw Hotel Jilbaha is dhigay, waxaana uu halkaasi uu Gudoomiyuhu uga jeediyay khudbad ku saabsanayd Taarikhdii Siyaasadeed ee Somalialnd soo martay.
Guddoomiyaha ayaa si guud uga warramay Taarikhdii Siyaasadeed ee Dalku soo maray, Isagoo si gaar ah hoosta uga xariiqay doorkii shariifka ahaa ee Reer Awdal ku lahaayeen nabadayntii iyo midnimadii Somaliland .
Sidoo kale Guddoomiyuhu wuxuu ku dheeraaday taariikho kala gadisan oo ku tacalluqa maraaxilkiii kala gaddisanaa ee Dalku soo maray, isagoo si gaar ah u dul istaagayay dhacdooyinkii ku lamaanaa taariikhdii Somaliland .
Guddoomiyaha ayaa halkaasi si guud-mar ah uga waramay Siyaasadda Xisbiga UCID ee ku aaddan saami-qaybsiga, waxaanu ballan-qaaday in UCID ay dalka ku soo dabaali doonto cadaalad, sinnaan, qabyaalad-Laโaan, in qofku ku shaqo-tago Aqoontiisaa, In Bulshadu hesho adeegyada asaasiga ah oo bilaash ah iwm.
Ugu Danbeyntii Guddoomiyuhuu wuxuu ku dardaaray Aqoonyahanka Reer Awdal Oo U badnaa Ardayda Jaamacaddaha in ay ka fogaadaan qabyaaladda isla markaana kor u qaadaan waddaniyaddooda iyo dal-jacaylka iyo in ay ย meel isku mid ah ka istaagaan danaha Qaranka.
Intaasi ka dib Aqoonyahankii ku sugnaa madashaas ayaa suโaalo tiro-badan kula boobay Guddoomiyaha, taas oo meelo kala duwan taabanaysay, waxaana xusid mudnayd in hadalkooda ay ku fur-furanayeen Mudane Guddoomiye ama Madaxweynaha Mustaqbalka.
Guddoomiyaha ayaa dhammaan suโaalihii ay Aqoonyahanku kula boobeen uga jawaabay qaab ay ku qanceen dhammaan aqoonyahanku, waxaana la arkayay iyagoo ka garaabaya jawaabaha Guddoomiyaha isla markaana sacab kaga fal-celinayay.
Kulankan oo ahaa mid aad u qiimo-badnaa ayaa ah mid ugub ku ah Dalka, iyadoo ay adag tahay in murashaxiinta kale ee ka sharaxan Xisbiyada Waddani iyo Kulmiye ay Aqoonyahan intaas leeg oo Reer Awdal ah uga jawaabaan suโaaalo ka imanayay quluubtaa Aqoonyahanka Reer Awdal kuwaas oo indho u ah Bulshada gobolka.
