Guddoomiyaha Wakiilada ahna Guddoomiyaha Cabdiraxmaan Maxamed Cabdiraxmaan โCirroโ iyo wefti uu hoggaaminayo oo ku sugan Boorama ayaa waxa uu shalay gurigooda oo ku booqday fannaaniinta caanka ah ee Aamina Cabdillaahi Xirsi iyo Cabdiraxmaan Cismaan โCabdiraxmaan Dheereโ, oo muddooyinkii dambe ay Aamina Cabdillaahi xaalad caafimaad u jiiftay gurigeeda.
Cabdiraxmaan Maxamed Cabdillaahi โCirroโ oo gurigooda kula kulmay fannaaniintan, ayaa ugu horeyn ka xaal waraystay xaaladdooda caafimaad, waxaana uu Alle uga baryey in uu ka dulqaado xanuunka sida oo kalena uu ugu bedelo caafimaad taama iyaga iyo umadda Islaamka ahba.
Fannaanada Aamin Cabdillaahi Xirsi iyo Cabdiraxmaan Dheere oo iyaguna halkaas ka hadlay, ayaa dhankooda tilmaamay in ay aad ugu faraxsan yihiin in Guddoomiye Cirro uu ku soo booqdo gurigooda sida oo kalena uu oggaado xaalkooda caafimaad, waxaana ay carabka ku dhufteen in ay uga mahad-celinayaan booqashadan iyaga oo Alle uga baryey in uu siiyo muraadkiisa oo quman.