Xarunta Xuquuqal Insaanku waxaay ku baaqaysaa in la sii daayo laba jilaa oo ku xidhan magaalada Laascaanood.
ย Iimaan Maxamed Jaamac iyo Cabdisamad Siciid Cali waxa lagu xidhay Laascaanood 29 March iyada oo lagu haystoย riwaayadย ay ka jileen dawladaha hoose, sida ay sheegeen ilo la hadlay Xarunta oo ay ka mid yihiin maamulka degmada.
Maamulka degmadu wuxuu ku eedeeyey labada jilaa inay dhigeen riwaayad af-lagaado ku ah maamulka.
Dastuurka Somaliland wuxuu sheegayaa โmuwaadin kasta waxa uu xor u yahay in uu ra’yigiisa ku bandhigo qoraal, hadal, muuqaal, suugaan ama qaab kale oo xeerka waafaqsan.โ
Xadhiga labada jilaa wuxuu ka soo horjeedaa dastuurka Somaliland,
Xarunta Xuquuqal Insaanku aad ayay uga walaacsan tahay xadhiga caynkan oo kale ah oo ah mid lagu aamusiinayo hal abuurka iyo fekerka dadka.
Xaruntu waxaay ka codsanaysaa dawladda dhexe inay qaado talaabooyin lagu xaqiijinayo inay xoriyadooda helaan labadaas jilaa.
Halkan hoose ka daawo muuqaalka Riwaayada ay jileen:ย
Guleid Ahmed Jama
Gudoomiyaha Xarunta Xuquuqal Insaanka
Hargeisa Somaliland