Waxa kulamo aad iyo aad u xiiso badan galabta iyo caawa afka isdari doonaan 4-ta kooxood ee ugu sareeya horyaalka Ingiriiska ee Premier League-ga.
Arsenal waxay gurigeeda Emirates Stadium ku marti galin doontaa saacaddu markey tahay 3:00 PM kooxda yar ee laf-dhuun gashay ku noqotay kooxihii waaweynaa ee sannad walba loo saadaalin jirey horyaalka, waa Leicester City oo haatan hoggaanka ku damaashaadaysa kuna haysa 5 dhibcood oo saafi ah, tabobarayaasha labada kooxood ayaa waxay hawada isu marinayaan hanjabaado badan.
Sidoo kale waxay ciyaar aad loo sugayey dhex mari doontaa labada kooxood ee isku dhibcaha ah, waa Manchester City oo gurigeeda ku marti galin doonta kooxda reer London ee Tottenham Hostpur saacadu markey tahay 7:00 PM.
Labadan kooxood waxay si wada jir ah ugu jiraan booska labaad iyagoo midkoodba ay leeyihiin min 48 dhibcood, koox kastaaba waxay ku dadaalaysaa sidii ay ugu keliyeysan lahayd booska 2aad.