Ra’iisul Wasaaraha Hindiya Narendra Modi ayaa booqasho ku tagay Imaaraadka Carabta Salaasadii si uu u furo macbadka Hinduuska ee ugu weyn Bariga Dhexe iyo kor u qaadista maalgashiga iyo xidhiidhka ganacsiga.
Labada dowladood ayaa saxeexay heshiisyo, oo ay ku jiraan heshiis guud oo ku saabsan isku xidhka ganacsiga iyo gaadiidka, bilowga booqashadii Modi oo qaadatay laba maalmood, taas oo ah tii saddexaad ee siddeedii bilood ee la soo dhaafay.
Safarkiisa ayaa ku soo beegmaya ka hor doorashada qaranka India oo la filayo inay bilaabato bisha April.
Waxaa lagu waday in uu daah furo macbadka ugu weyn gobolka Hinduuska maalinta Arbacadii, maalin kadibna waxa uu la hadli doonaa kumanaan qurba-joog ah munaasabad bulsho oo ka dhacaysa caasimadda Abu Dhabi.
Booqashadan ayaa inteeda badan diiradda lagu saaray sidii loo dardargelin lahaa qurba-joogta, sida ay qabaan khubarada, inkasta oo Hindida Imaaraadka aanay wax cod ah ka dhiiban karin dibadda.
Imaaraadku waxa uu hoy u yahay ilaa 3.5 milyan oo muwaadiniin Hindi ah – oo ah qurba-joogta ugu badan ee waddanka Khaliijka.
Salaasadii, Modi wuxuu la kulmay madaxweynaha Imaaraadka Carabta Sheikh Mohammed bin Zayed Al Nahyan, sida laga soo xigtay wasaaradda arrimaha dibadda Hindiya iyo warbaahinta maxalliga ah, kulankoodii shanaad ee siddeed bilood gudahood.
Waxay qalinka ku duugeen heshiisyo dhowr ah, oo uu ku jiro heshiis maalgashi oo laba geesood ah, oo lagu dhisayo Heshiis Wadaag Dhaqaale oo Dhameystiran oo la saxeexay 2022, wasaaradda arrimaha dibadda Hindiya ayaa tidhi.
Waxay sidoo kale saxeexeen “heshiiska qaab dhismeedka dowladaha” oo ku saabsan Waddada Dhaqaalaha ee Hindiya-Bariga Dhexe ilaa Europe, oo ah shabakad tareen markab-tareen ah oo u kala gudbi doonta marinnada badda iyo berriga ee hadda jira.
Wasaaraddu ma faah faahin heshiiskan, kaas oo yimid ka dib markii qorshe hami leh oo casri ah oo loo yaqaan ‘Spice Route’ markii ugu horreysay lagu dhawaaqay shir madaxeedka G20 ee New Delhi bishii Sebtembar.
Xidhiidhka ayaa si tartiib tartiib ah u sii xoogaystay tan iyo booqashadii taariikhiga ahayd ee 2015 ee Modi uu ku tagay Imaaraadka, oo ah tii ugu horreysay ee ra’iisul wasaare Hindiya uu ku tago in ka badan soddon sano.
Imaaraadku waa ganacsiga saddexaad ee ugu weyn Hindiya, oo leh mugga ganacsiga laba geesoodka ah ee ku dhow $85 bilyan inta u dhaxaysa 2022 iyo 2023.
Goor dambe oo salaasadii ah, Modi ayaa la filayaa inuu la hadlo dad badan oo isugu soo baxay garoonka Zayed Sports City Stadium ee Abu Dhabi, halkaas oo qabanqaabiyeyaasha ay sheegeen in ilaa 60,000 oo qurba-joog ah oo Hindi ah ay iska diiwaan geliyeen.
Modi, “booqashadani waxay diiradda saari doontaa qurba-joogta,” ayuu yidhi Ian Hall, qoraaga buugga Modi and the Reinvention of Indian Foreign Policy.
Xigasho:wargeyska dawan
Bandhige@gmail.com