Hargeysa (Dawan) Agaasimaha guud ee wasaaradda Qorshaynta iyo horumarinta Qaranka Somaliland, Mudane Maxamed Cabdillaahi Ducaale, ayaa xarunta wasaaraddaasi ka furay shirka wada tashiga ee dib u eegista xeerka ururada aan dawliga ahayn.
Kulanka ayaa waxaa ka soo qayb galay dhamaan dalladaha ay ku midaysan yihiin ururada aan dawliga ahayn ee Somaliland (NGO consortium), oo ka kooban hay’adaha maxaliga iyo kuwa caalamiga ah ee ka hawl gala gudaha Somaliland.
Intuu uu kulankuu socdayna agaasimaha waaxda isku duwida wasaaradda qorsheynta iyo horumarinta Qaranka Somaliland Axmed Ibraahim ayaa soo bandhigay xeerka ururada aan dawladiga ahayn, waxaana halkaasi dood iyo falaqan laga galay sidii xeerka wax ka badal iyo kaabis lagu samayn lahaa.
Wasaaradda qorshaynta qaranka Somaliland ayaa waday qorshe ay ku horumarinayso adeegbixinta ururada aan dowliga ah.
Xigasho:wargeyska dawan Bandhige@gmail.com