Madaxweynaha Kuuriyada Waqooyi ayaa sheegay in dalkiisa uu hada marayo heerki ugu danbeeyey ee gabagaba horumarinta gantaalada isaga kala goosho qaaradaha.
Kim Jong Un ayaa hadalkan ka sheegay qudbad Telefishinka laga sii daayey Axadii maanta.
Waqooyiga Kuuriya ayaa sannadki dhammaaday tijaabiyey laba gantaal oo ah kuwa xambaara suntan niyukleerka, taas oo dhalisay qeyla dhaan ka timid caalam oo dhan.
Xoghayaha guud ee Qaramada Midoobay Ban Ki-moon ayaa sheegay in uu aad uga walaacsan yahay hadalka hoggaamiyaha Kuuriyada Waqooyi ee uu ku sheegay in uu gaba gabo u marayo sameysashada gantaalaha qaaradaha ka gudba.