Wasiirka wasaaradda waxbarashada iyo sayniska Md.Cismaan Jaamac Aadan oo uu wehelinayey agaasimaha guud ee WW&S Md.Axmed Abokor Maxamed iyo wefti balaadhan oo ka socday dalka Jarmalka iyo masuuliyiin ka tirsan hay’ada caalamiga ah ee GTZ ayaa maanta kormeer ku soo maray dugsiga farsamada gacanta ee magaalada Hargaysa.
kormeerkan ayaa daba socda, dawlada jarmalka oo dib u habayn iyo casriyeyn ku samayn doonta dugsiga farsamada gacanta ee magaalaada hargaysa, iyaga oo deeqdaas u soo marin doona hay’ada GTZ.
haddaba, si arrimahaas loo sii anba qaado, waxay saaka kormeer xogogaal u noqosho ah, ku soo mareen weftigu xarunta dugsiga farsamada gacanta magaalada hargaysa iyaga oo ay hor kacayaan wasiirka WW&S Md.Cismaan Jaamac Aadan iyo agaasimaha guud ee WW&S Md.Axmed Abokor Maxamed.
Agaasiamaha dugsiga farsamada gacanta ee hargaysa (HTI) Md.Cabdicasiis Cige Rayaale ayaa weftiga ku soo dhaweeyey dugsiga, waxaanay mid mid u galeen fasalada iyo goobaha ay ardeydu ku qaataan duruusta.
