Maahmaahdan sare waydiimo badan ayaa laga falkin karaa, ayna ka mid yihiin kuwan hoose.
Dadka iyo Duurku [kayntu] maxay wadaagaan?
Maxay tahay sababtaan loo saadaalin karin hurin dad ah wax lagla kulmi karo?
Keynta filaanwaayada lagala kulmi karaa maxamy yihiin?
Maahmaadu waa maahmaah khusaysa Maamulidda dadka iyo waxa lagaga talageli karo in xayn [koox] dad ah la maamulo. Abwaankii curiyayna waxa uu adeegsaday tusaalayn toolmoon oo garaadada dadka ee kala heerarka duwani ay si fudud u fahmi karaan.
Kayn hawrtay oo geed gaab ka iyo geedka sareba is dul fuuleen inay habar dugaag tiro badan ย hoy u tahay ayaa hubaal ah. Jaadadka kala duwan ee dugaaga, sida kuwooda caws daaqda ah, kuwa hilib daaqda ah, iyo kuwa laba gardaaqda ah ba waxaa la rumaysan yahay inay dhexdeeda mirtaan. Sidaa si la mid ah hurin dad ah waxa kasoo dhex fufi kara dadyow dabeecadohoodu kala durugsanyihiin. Waxa ku jiri kara macangag hor iyo daba diid ah oo aan arrin keen iyo aqbal keen midna ahayn, cid-ma-gale cidla joognimada jecel oo wehelkiisu wehel laโaanta yahay, karti yare taabgaabnimadu ku mataansantahay oo tamartiisa oo dhami aanay bilaale caddaynayn ikk.
Kaknaanta maamulidda dadku waa mid ay u marag fureen badiba hogaamiyayaashii qalbi lahadlka ahaa eeย hoyday [dhintay] iyo kuwooda hadda nooliba. Sababta ugu waynee kaknaantaa keentayna waxa weeye kala dabeecada duwanaantooda, oo adkaynaysa isla jaanqaadsiintooda iyo in lagu hagaajiyo yoolalka astaysan ee hogaamiyoodu u hor kacayo.
Humaaggaa maahmaahdu sida dadban u sheegtay ayaan anna sii yara iftiimiyay, oo waxaan idhi,
Dool, ruux socdaal ahi
Dooxo baadku qariyoon
Indhawayd ba cidi degin
haddu dubur ka soo xulo,
doomaarta hawrtiyo
Doqowgiyo jadeerkiyo
Hareeriga is dedayee
Laamihiisu daaftiyo
Dusha jillabka fuuleen
Orgobada wax diirtee
Hilib daaqayaasha ah
Hadhsanaaya derrimaha
Sow inuu digtoonaan
Dareen feejignaaneed
Duhur goor ilays jiro
Dalandool ku jidhaa
Dumaddiisa uma sama?
Dad ninkii u madaxa na
Dabbaal iyo maraaniyo
Damiir laawe sogobiyo
Dammiin hoos u jeediyo
Bakhayl damac yaqaaniyo
Cilladoole duwanoo
Dawayntiisu adag tahay,
Docor aan waxabab gudin
Hadal aan ku deeqsiin
Dadka aan amaangelin
Shaqadiisa daba mara
Ka diqooda waanda
Duudsiya samaantoo
La dawaafa ceebaha,
Daf inay yihiinoo
Dadka uu egmanayee
U diraayo hawlaha
Ku dhex daadsanyiin,
Waa inuu dareemoo
Duunka uu ku haystaa.
Qore: Khadar Faarax Siciid
Email: Dalmartogdheer@gmail.com
Fc: Khadar faarax siciid.