Waxaan marka hore tacsi tiiraanyo leh u dirayaa dhamaan shacbiga Somaliland, siiba taageerayaasha Xisbigga UCID, oo Maxkamadda Sare xalaalaysay in aanu xisbigaasi ka qayb gelin tartanka doorashada Madaxweynaha, markay go’aamisay in Xisbigu Shirwayne ku qabsado ugu danbayn 25th Nov,2016.
Hadduu Aqoonyahan Jamaal guulaysto, suurta gal maaha in uu muddo 3 bilood ka yar uu ku galo ololoha doorashada. Waxa kale oo go’aamada Maxkamada hadheeyay mugdi iyo madmadow badan oo durba muran ka dhashy.
Waxa kale oo halkan bogaadin uga dirayaa Madaxweyne Siilaanyo oo gartay in labada doorasho la kala qaado. Danta guud waxay ku jirta in shacbigu toos u kala doorto Dr. Cirro iyo Kornayl Muuse Biixi.
Haddii labada doorashu la isbarkiyo, waxa dhici lahayd in shacbigu u qaybsamo beelo oo qof waliba taageero xisbigga uu ku biiro xildhibaanka beeshoodu.
Tusaale ahaan, dad fara badan oo isbedel-doon ah oo maanta taageersan Waddani ayaa ku biiri lahaa Kulmiye haddii xildhibaanka beeshoodu iska sharaxo Kulmiye. Haddaba, maanta shacbiga Somaliland ee jecel isbedlka waxay fursad qaali ah u heleen in ay toos u kala doortaan DR Cirro iyo Kornayl Muuse. Waxay kala dooranyaan hoggaamiyaha Somaliland ka saari karaa go’doonka siyaasadeed, ictiraaf u raadin kara, dabaqada danyarta ah u hiiln kara, Habarta xaabada sida xanbaari kara, qofka aan godob lahayn ee isku hayn kara Selel ilaa Sanaag.
Qofka aan xoolada ummadda iyo beeraha dhicin iwm. Waxaan Mar labaad hanabalyaynaa Madaxweyne Siilaanyo oo suldaarou dhigay Kornayl Muuse.
Wuxuu u heeliyay shacbiga Somaliland, oo kala dooran doona Dable iyo Diktoor, Qori iyo Qalin, Diploomasi iyo Seef la- bood. Ugu danbayn,
Doorashada dib loo dhigay,
Danta shacabka Weeyaan,
Waa dabin Muuse loo dhigay ,
Anigu waan ku diirsaday.
Qalinka Drs Hoodo Yusuf, Uk,London.