Adduunkan aynu ku nool nahay waxa ku wada nool ummaddo iyo dadyow kala wada af ah, kala dhaqan ah isla markaana kala Diin ah, dadkasta oo Illaahay uu meel ku abuurayna waxa uu u sameeyay luqad iyo dhaqan ay kaga dumawan yihiin kuwa kale.
Qofkasta oo yaqaana luqad aan ahayn tiisa waxa uu noqonayaa qof aqoon dheerada iyo fahan dheeraada u leh bulshadaasi uu luqadeeda yaqaano, marka ay ugu yar tahayna xataa waxa uu kaga nabad galayaa sharkooda iyo wixii ay u maleegi lahayeen.
Haddaba waxa aan dhagaystay Tv’ga Universal kadibna waxa uu soo dayay war uu ku sheegaayo in niman Kalluumaysata ah oo u dhashay waddanka ama Jasiirada Komoros waa sida ay hadalka u dhegiine, uu Nin ka mida dadka kaluumaysatada ee reer Kismaayo uu ku arkay iyaga oo ku cadilan oo doontii ay wateen ay kaga jabtay xeebaha Kismaayo, kadibna uu soo jiiday iyaga iyo doontoodiiba keenayna Kismaayo.
Dadkaasi oo ka koobnaa tiraba shan qof ayaa waxa lagu hayay Kismaayo gaar ahaan Isbitaalka magaalada kuwaasi oo sida la sheegay lagu dawaynayay madama ay sida ay sheegteen ay muddo ku cadilnaayeen Bad’waynta guddaheeda.
Sida ay ku warameen maamul goboleedka Jubbaland gaar ahaam booliska iyo hawl’wadeenada ku shaqada leh dadkaasi, ayaa waxa ay sheegeen in ay dadkani shanka qof ahi ay kasoo jeedaan Jasirada Komoros, isla markaana luqadaha ay ku hadlaan ay yihiin oo kaliya luqada ay u dhasheen ee waddankooda iyo luqada Faransiiska.
Haddaba waxyaabaha aadka iiga yaabiyey ayaa waxa ka mid ahaa, markii aan TV Universal aan ka daawaday mid ka mida ragaasi oo ku hadlaaya luqada Faracsiiska, balse aanay jirin cid ka turjumaysa oo u soo gudbinaysa dadwaynaha ninkaasi waxa uu ka hadlaayo, iyada oo dadka oo dhami ay jeclaan lahaayeen in loo soo gudbiyo ninkaasi waxyaabaha uu ka waramaayo, madaamaa Tv’ga uu warku kasoo baxay uu yahay Tv ku hadla luqada afka Soomaaliga.
Waxa isaguna qayb ka qaadanaya soo gudbin la’aanta warkaasi aan lahayn wax turjumaana, Tv Universal oo aan marnaba iska xil saarin soo gudbinta warkaasi in ay dadka usoo turjumaan.
Taasi waxa ay ku tusinaysaa in Reer Jubaland aanay wax aqoona u lahay luqada Faransiiska xataa hal kalmadna ha ahaate, waayo haddii ay jiraan dad Faransiiska yaqaana sida aynu ku naqaano Adduunka qofka aan luqada waddanka u joogo aan aqoon waxa loo raadiya Turjumaan.
Waxa aan qoraalkaygan kusoo gunaanadayaa, waan ogahay in dhul farabadan oo maanta ay Soomaalidu ay dagto ay ka dhammaadeen amaba ay ka baxeen kana maqan yihiin dad badan oo si fiican u yaqaanay luqada badan oo Adduunka lagaga hadlo.
Haddaba waxa aan kula talinayaa maamul Goboleedka Jubaland in ay arrimahan oo kale marka ay soo gudbinayaa in ay markastaba diyaar sadaan qofkii turjumaanka ahaa ee dadka u gudbin lahaa isla markaana fahamsiin lahaa waxa ay ka hadlayaan dadkaasi ajanabiga ahi.
Waxa kale oo iyadana aan ku baraarujin lahaa Tv ga Universal in ay ka taxidiraan in ay soo gudbiyaan warar sidan oo kale ah iyaga oo aan dadkii daawanayay aan u samayn wax turjumaana.
WQ: Qareen khadar Ibraahim Aar