Maayar Solteco iyo Maayar Ciddin ayaa qirtay in ay ololoha doorashada Kornayl Muuse Biixi ku taageereen lacag dhan $ 50,000 , Solteco $ 30,000, Ciddin $ 20,000. Waxa labadaas nin kasii liita ninka aqablays Booligaa ee jeebka ku shubtay.
Waa caadadii ee ceebtii maaha. Hore ayuu u boobay dhul iyo beero ay dad jilicsani lahaayeen. Quruumaha ilbaxa “civilised societies” waa ka mamnuuc ah in uu Masuul xil qaran haya bixiyo deeq lacagaeed “political contribution“ ka badan $ 30 Soddonka doolar, waana in uu ku muujiya xeraynta dakhliga “ Income tax” si loo ogaado halka ay lacagtu kasoo gashay.
Waxa intaaba kasii diiran, kamuu hadal Eng Mohamed Xaashi Cilmi oo had iyo jeer musuq-maasuq iyo tuugo ku eedeeya dadka xilalka haya ee ka baxsan xayndaabka xaafadiisa sida Madaxwayne Siilaanyo, Madaxwayne Riyaale , Amb Cawil iyo qaar kale oo badan.
Haddaba, danyarta Somaliland waxay maanta arkaan in ninka ka xishoon waayay $ 50,000 oo laga soo xaday qasnadaha Dawladdaha Hoose, in haddii uu Madaxwayne noqdo, xalaashan doono hantida ummadda ee ku dhacda qasnadda Dawladda dhexe “Central Government” . AHN, wuxuu yidhi Xaaji Aadan Afqalooc :
“Tallaabada mid Gaalkii shabbaha tegey malliibaane,
Adiga oo waxuun tabanayoo tegey halkuu joogo,
Markuu sida libaax raqi u taal qoorta kor u taago,
Oo uu Tayga luquntiisa sudhan taabto faraqiisa,
Oo inaad Addoonkiisa tahay taasna la ahaatay,
Oo aan dadkana wax u tarayn callanna tageerin,
Oo inuu adduun badan tabcado taa qudha u jeeda ,
Iyana waa tabaalaha waqtiga taynu aragnaaye,
Tukaloo kadaran baa jirtee taana balan sheego.
Qalinka Drs Hoodo Yusuf, London, UK.