Gabaygan waxa curiyey Abwaan Maxamuud Siciid Cali “Garaad”, waxaanu Abwaan ugu wan-qalay gabayga Ma-huraan dhacdadii foosha xumayd ee maalintii dhoweyd ka dhacday Golaha Wakiilada.
Arrintan oo bulshudu si weyn uga cadhootay. Isagoo Abwaan dareenka bulshadu ka muujisay dhacdaas lawadaagaya dadweynaha ayaa waxa uu ku bilaabay gabayga sida tan:
Murti gabay markaygaan ritaa Maanso laydiraye
Mulaygiyo iyo magoolkaa dhiratay Ugu masaalaane
Mowjad iyo waxaan ahay Sidii maayadoo kale
Anna shacabkan meeraaya baan belo kamoosaa
Malkadaan u taagnahay Waxaan looga meeldayin
Aan macneeyo caawana Halkay muhatay laabtaydu
Haddii aad masuul iyo ahayd Mudanihii oosha
Oo goluhu miisaan ku biday Madaxna kuu dhiibay
Milgo iyo hadii ay aqoon Kugu majiireen
Oo aanad maarayn karayn Mahadho weeyaane
Hadday murugto xaajadu Xaqaa lala midoobaaye
Adigoo murtuuraaya baa Malab ladhiiqaaye
Masalooyin kala kaanabaa Laga muquurtaaye
Wixii aan masiir kuu jarayn Malihidaa roone
heeladana meel durugsan baaLaga miskeedaaye
Adoo mahadsan bay kuu ekeyd Inaad mushaaxdaaye
Hayeeshee in lagu mooriyaan Meesha qabanayne
Waa digaa makalay xaajadii Muunada ahayde
Alla magane madashaa Maxaad uga maqnaan weydey
Maskax iyo dulqaad baa gartaa lagu macaashaaye
Mirta dhexe rag aad maashay iyo maalintiyo laylka
Oo kuu muslaxanbaa Cidkale lagu muquurshaaye
Miidhiyo halkaasay galaan Magacu dooduuye
Halkaasuu ku miigtaa Ninkii mooro soo xidhaye
Markaasaa murtida tii saniyo Mari la qaataaye
Makastiyo dhallaankaa Dabeed lagu masruufaaye
Qarankana muquunay u tahay Moodka iyo noole
Majaruhu halkaasuu ahaa Inaad ka miistaaye
Hayeeshee in lagu maamulaan Meesha qabanayne
Magacii ba’yoow sowdigaa Meel ka dhacay maaha
Waxaad tahay nin miinaysanoo Moofo jeesadaye
Waxaad tahay nin moodoon Caqliga maali garanayane
Waxaad tahay nimaan meel u deyin Mooshinkuu wado’e
Waxaad tahay maqaar saaradiiMaalka loo diraye
Waxaad tahay nin lay miiqayoo Lagu maxaab taaye
Mudanow xilkaagii gabtoo Maragii waa yaale
Waxa ii markhaatiya wuxuu Muuqu soo dhigaye
Waa kaa maqaamkaagii dumay Miicida ahaaye
Aamiina madadaaladii Meerisyuu qoraye
Adiguna intii aad mudnayd Lagugu maansheeye
Mooraal jabkiibay indhuhu Muruq sameeyeene
Alaylehe wixii aad mishiyo Madhixii waa kaase
Bal magaabi xaajow Adaa maalma soo wadaye
Marinkeeda weeyoo Cirrooy midigtu waa xeere
Hadba maarka ay taagantaa Lagu madeeyaaye
Waa meeris kuu qoran Falkaad celisay maandhowe
Nimanaan macayn iyo Raqbaad madaxa buurteene
Halkii laga maleegay ridadu Kaga macanayde
May khasaarin yeelkee Wixii mooshin kaa ridiye
Alaylehe midhkii aad Lahayd maalinkaa tidhiye
Mahadsanid adaa maakintaa Nooga soomudhaye
Afartaa macneeyaye hadaan mariyo luuqdayda
Ruuxii lamaamuseyee Madal lasoo joojay
Oo moodhikaariyo adduun midabsan loo dhiibay
Oo loo masxaradoo wanaag Lagu malaa diiqay
Oo inuu dadkiisaa metelo Magane loo doortay
Oo loo miciin biday inuu Mariyo xaalkooda
Oo magac illaahiyo kitaab Midigta loo saaray
Oo aan muraadkiisa gudan Magane laydiidye
Musuqmaasuq iyo boob Nimaan marinin xeerkooda
Tolka nimaan midaynayninoo Meel kadhaansada
Aan eexda maandoorinayn Magane laydiidye
Afartaa macneeyaye hadaan mariyo luuqdayda
Mur haday ka darantahay run Waa lagama maarmaane
Kala miirdilaacuna Warkuu ugu mucroonaaye
Aniguna maqaalkaan sidaa Wuu ku soo maraye
Milicsiga ka bogo waa Xog aan laga maraatayne
Waa dawlad maraboobahoo Maaga loodiraye
Waa dawlad meeshay martaba Milicdu haysaaye
Waa duul wuxuun muusadoon Maaxso loo dhigine
Waa kuwaa makriyay Haamihii magaca weynaaye
Marsadaana waa duul Kumaqan inay maxlaalaan
Waa duul mishiinkii berbera Meersadoo dhacaye
Waa duul wankii macal leh iyo Midhihii eedeene
Waa duul macaankuun Gurtoo malafsi deynayne
Waa duul miskiinkii dhibiyo Meherad laydiiye
Waa duul maqaarkiyo Laftaba midi ka duulayne
Waa duul lawada maagayoon Mid u fayoobayne
Anigana waxaa muuqda Iyo madawga laydiidye
Waxa curiye: Abwaan Maxamuud Siciid Cali (Garaad)
Tell: 063-4127105