Mudo 35 sanadood ah kadib maanta waxa ay ku beegantahay January 30 1984 maalintii murugada badnayn ee diyaaradaha dagaalka ee Ethiopia ay weeraro lamafilaan ah kagaysteen magagaalada Boorama iyaga oo bambooyinka culus ku burburiyay dugsigii aan wakhtigaa wax kabaranayay kaasi oo ahaa dugsiga hoose dhexe ee wiilasha Borama.
Inkasta oo aan ka badbaaday anigu, hadana nasiibdaro waxaa halkaasi kunafwaayay Ardaydii aanu isku fasalka anayn iyo kuwiikale ee schoolka , macalimiin iyo dadwayne kale oo xaafadaha udhow dugsigaasi kunoolaa. (Waxan codsanayaa in faataxada loomaro ardaydii iyo dadkiikale ee ku nafwaayay maalintaa duqaynta ).
Waxa aan wali sii xasuustaa nabaradii xanuunka kululaa ee ciida ololaysa filidhada qaraxa bambooyinka burburka dhismaha dugsiga iyo jiingadihii fasalada aanu kujirnay noo geysteen markii ciidamada cirka ee dawlada Ethiopia nagu garaacayeen sawaariikhda iyaga oo ku xasuuqeen shacab u badan caruur oo aan waxba galabsan.
Wakhtigaa oo ay dawladii Soomaaliya jirtay waxa booqasho kuyimid Magaalada Borama wasiirkii gaashaandhiga Major General Calisamater.
Waxaana idaacadahii dalka qabsaday oo laga baahiinjiray barnaamijyo tacsi , gurmad iyo maansooyin baroordiiq ahaa oo hobaladii wabari ay dadwaynaha reer Borama u qaadeen.
Tusaale ahaan Maansadan waxa layiraahdaa AARKU BAAQSAN MAAYO . Waxa curiyay Abwaanada kala ahaa Maxamed Xirsi Yemyem Pro, Daahir Maxamuud Xadi iyo iyada oo Axmed Faarax Cali Idaajaa na wax uu kulahaa ereyadaa.
Hadaba laba heesood oo ka mid ah maansooyinkaasi ayaan ayaan halkan idiinkusoo gudbinayaa midhihii .
Heestan hore oo ereyadeeda ay lahayen Abwaan M xirsi Yemyem iyo A F Cali Idajaa waxa ku luuqeeyay fanaaniinta caanka ah ee Hibo Maxamed Hodoon iyo Xasan aadan samater.
Bilaha sanadka oo idil
dhulkii bilicda fiicnaa,
Nin bukaa haduu tego
uu soo bogsoonjiray
Bahal oodan mooyee
ninyaqaana Boorama
Bambo kuma garaaceen.
Barbaartiyo Caruurtii
Bakhtigooda geeriyda
baroordiiqduan maydkiyo
biixiya maka bayaan
Bayruudba niman baa
Baaba ooda tiriyoo,
badhtankeeda Kaabuul
barkad weeye dhiiguye
Salvadoorta Bagox baan
ku bariisan nabadoo
bahdii aan midoobin
murugaan baxaynoo
La isbaacsan mooyee
kolay baladu kaligaa
buulkaaga may dhigan
Adna Booramay garo
Aarku baaqasan maayee.
Balmaxaan baadi maqanoon
kulahaa bahal furay
uu raad keeda baabi in
Kadib heestaasi markii aysoo baxday ayaa waxa falanqeeyay dadwayne iyo abwaano reer Awdal ah waxana baydadka qaarkood loo fasirtay in abwaanada Mareexaan ay Maxamed Siyaad oo ay isku haybyihiin kuna tilmaamayaan in uu soo aari doono . Haseyeeshee markaa reer Borama waxayba kudhaliilayeen sida ay ugu guuldaraysatay xukuumadii Siyaad Bare in ay shacabkii kadifaacdo weerarada cadawga iyo in ay ka gaabiyeen in ay Qoriga SAAMKA keenaan Borama .
Waxana heestan oo ay ku luuqeeyeen fanaaniinta Maxamed Aadan Shamuuri iyo Shamso cumar sameeyay Profesor Daahir Maxamuud xadi isaga oo tilaamaya in Borama aanay ahayn meel loo calaacalo balse ay iyada lafteedu aargudankarto
Baaruuda qiiqdee
Bayruud ka yeedhee
badhtankeeda Kaabuul
Baasuukahaa Galay
Boobuhu wuxuu dhigay,
aafaadka buubaal
intuu beelo soo gubay
biyi waaye Maandhow
Borama hadaan ahay
ka bogtaye ogsoonow.
Laxbaraad la maan ihi ama
Boore moore ah
marka buunku yeedhee
warankiyo bilaawaha
hubka laysla beegsado
isbaacsiga dagaalkiyo
Boorama hadaan ahay
Burji baan u leeyahay.
Maantana bartaydiyo
baydkii haday timid.
Barbaartiyo caruurtiyo
dadka biri magaydada
Bamninkii u quudhee
baqayaha u soo wadhay.
Aarku baaqsan maayee
walee bari aan dheerayn
ana baacugaan jari
By Mohamed Aadan Ibraahim
D.ADAMZE