Ciidamada difaaca Israaโiil ee loosoo gaabiyo IDF, ayaa sheegay in ay heleen โwarbixinno ku saabsan dhacdo ka dhacday xerada qaxootiga ee Maghaziโ.
Ms Connell ayaa sidoo kale sheegtay in xilliga ay booqaneysay Al-Aqsa โay jireen duqeymo cusub oo dhanka cirka ah oo lagu garaacay goobo ku dhow isbitaalka oo ku yaalla aagga dhexe iyo dhaawacyo cusub oo la keenayโ.
โNasiib daro waxaan arkay wiil sagaal jir ah oo madaxa ka dhaawacmey oo dhintay,โ ayay raacisay.
Dagaalku wuxuu billowday 7-dii Oktoobar kadib markii Xamaas ay hoggaamisay weerar lagu waxyeello geystay oo lagu qaaday gudaha Israaโiil, halkaas oo ay ku dileen 1,200 oo qof, oo u badnaa rayid, ayna qafaasheen ilaa 240 oo la haystayaal ah. Israaโiil wax ay sheegtay in weli 132 ruux ay Xamaas ka heysato.
Wasaaradda caafimaadka ee Qasa oo ay maamusho Xamaas ayaa sheegtay Isniintii in ilaa 20,674 Falastiiniyiin ah lagu dilay duqeymaha Israaโiill tan iyo xilligaas. Inta badan dadka dhintay ayaa la sheegay in ay isugu jiraan caruur iyo haween.
Warbaahinta Israaโiil iyo Carabta ayaa sheegaya in Masar ay soo jeedisay qorshe xabbad joojin ah oo ay labada dhinac ay dhex dhigaan.
Sida ay wararku sheegayaan qorshuhu wuxuu noqon doonaa in si toos ah loo sii daayo dhammaan la haystayaasha Israaโiiliyiinta iyo tiro aan la cayimin oo maxaabiis falastiiniyiin ah oo ku jira jeelasha Israaโiil, taasoo ku dhammaan doonta hakinta duullaanka Israaโiil.
Heshiis xabbad joojin ah oo hore oo ay Qadar garwadeen uga noqotay ayaa horseeday la haystayaal laga sii daayay Qasa oo lagu beddelay maxaabiis falastiiniyiin ah.
Xigasho:Wargeyska Dawan
Bandhige@gmail.com