Agaasimaha guud ee wasaarada Diinta iyo awqaafta Jamhuuriyadda Somaliland Aadan Cabdillaahi Cabdalla oo ku sugan dalka Turkiga, ayaa kulammo muhiim ah la yeeshay Agaasimaha Xafiiska arrimaha dibedda ee Hayโadda Diinta iyo awqaafta ee Turkiga Afir Yildirim, Masuuliyiinta Hayโadda TIKA iyo madax kale.
Ugu horreyn Agaasimaha guud ee wasaaradda Diinta iyo awqaaftu waxa uu magaalada Ankara kula kulmay madaxa xidhiidhka Africa u qaabbilsan Hayโadda Tika Fatih Yoldas, waxaanay ka wadahadleen xoojinta xidhiidhka Hayโaddaas iyo Wasaaradda, isagoo ballan-qaaday inay dhinacyo muhiim ah wax ka tari doonaan wasaaradda.
โWaxaan la kulmay, madaxa xidhiidhka Africa u qaabbilsan Hayโadda Tika Fatih Yoldas. Kulankani waxa uu daba socday kulankii Wasiirka Diinta iyo awqaafta ee Somaliland iyo Madaxda Tika ay ku yeeshseen Ankara bilo ka hor. Waxaannu ka wadahadalnay wada shaqaynta iyo in Hayโadda Tikka gacan ka geysan doonto Masaaajiddda iyo Madaariska iyo inay wasaaradda gacan buuxda siin doonaan ayey ii ballan-qaadeen.โ Sidaa ayuu yidhi Agaasimaha guud ee Wasaaradda Diintu Aadan Cabdillaahi.
Sidoo kale, Agaasime Aadadan Cabdillaahi Cabdalla, waxa uu la kulmay Agaasimaha Xafiiska arrimaha dibedda ee Hayโadda Diinta iyo awqaafta ee Turkiga Afir Yildirim, waxaanu Agaasimaha oo arrimaha ay ka wadahadleen faahfaahinayaa yidhi; โWaxan sidoo kale la kulmay, Agaasimaha Xafiiska arrimaha debadda ee Hayโadda Diinta iyo Awqaafta ee Turkiga Arif Yildirim. Waxaannu ka wadahadalnay sidii loo wada shaqayn lahaa, waxaanay ballan-qaadeen inay Wasaaradda ka caawin doonaan tabobbarro kala duwan oo la siinayo Shaqaalaha Wasaaradda, si aqoontooda kor loogu qaado iyo inay gacan ka geysan doonaan Idaacadda Qurโaanka Kariimka ah.โ
Wasaaradda Diinta iyo awqaafta Somaliland, ayaa xidhiidh fiican la leh Wasaaradaha dhiggeeda ah ee dalal kala duwan oo Turkigu ka mid yahay, isla markaana ay ka wada shaqeeyaan kor u qaadista aqoonta Diiniga ah, waxaana hore Madax ka tirsan Hayโadaha dowliga ah ee dalka Turkiga iyo kuwa khayriga ah ula kulmay Wasiirka Diinta iyo awqaafta Jamhuuriyadda Somaliland Sheekh Khaliil Cabdillaahi Axmed dhawr bilood ka hor, waxaana kulammadaas iyo wixii lagaga wadahadlay sii amba-qaaday Agaasimaha guud ee Wasaaraddaas Md. Cabdalla.