In ka badan 100 maxaabiis ah ayaa ka baxsaday xabsi ku yaalla dalka Philippine.
Maxaabiista ayaa xabsiga dumiyay saaka kadibna way baxsadeen, sida maamulka ay sheegayaan.
Xabsiga ayaa ku yaallo magaalo lagu magacaabo Kidapawan.
Wararka hor dhaca ah waxay sheegayaan in xabsiga ay weerareen koox muslimiin ah oo dagaal kula jira dowladda.
Kooxda ayaa la sheegayaa in ay dileen hal askeri iyo hal maxbuus, kadib weerarkaasi oo lagu qaaday xabsiga Cotabato.
Askarta iyo booliska ayaa raadinaya maxaabiista baxsatay.
Magaalada Kidapawan waxay ku taallaa gobolka Mindanao, halkaas oo ay ka howlgalaan mucaaradka Muslimiinta ah.
Hore ayuu Madaxwaynaha dalka Philippine, Rodrigo Duterte ayaa ugu hanjabay saraakiisha ku kacda musuq maasuq uu ka soo tuuri doono diyaarad hawada maraysa, isaga oo sheegay in uu sidaas sameeyay hadda ka hor.