Duuliye cabay khamri (sikhraasan) oo doonayey in uu kaxeeyo diyaarad ayaa waxay dawladda Kanada ku xukuntay 8 bilood oo xabsi ah. waxaana xukunkaasi laga jaray muddadii uu ku sii jiray xabsiga intii uu xukunka sugayey.
Miroslav Gronych, oo 37 sanno jir ah ayaa qirtay dambiga lagu eedeeyey 21-kii bishii March. Waxaa lagu xidhay magaalada New York habeenkii uu bilaabanayey sannadka cusub kadib markii uu ku miyir daboolmay diyaarada oo uu doonayey in uu duuliyo
Jidhkiisa waxa laga helay saddex jibaar qiyaasta khamriga ee qofka loo ogolyahay in uu cabo.
Maxkamadda ayaa sidoo kale waxay sidoo kale ka mamnuucday in uu kaxeeyo diyaarad muddo sannad ah. Waxa sidoo kale lagu amray in uu bixiyo lacag gaadhaysa 74 doolar.
Maxkamada waxaa loo sheegay in duuliyuhu uu xitaa awoodi waayey in uu xidho jaakaddiisa markii uu gudaha u soo galay diyaaradda, hadalkiisuna waxa uu ahaa baa la yidhi mid la fahmi waayey oo uu isku dar-darsamay.
Sida ku xusun warbixintii laga hor akhriyey maxkamadda, duuliyihii labaad ayaa waxa uu ku taliyey in Gronych uu isaga boxo diyaarada, balse waxa uu ku fadhiistay kursigii duuliyaha
Diyaaradaasi waxa saarnaa in ka badan 100 qof, waxayna hoos tagtay shirkadda Sunwing Airlines.
Sunwing kama aysan soo jawaabin markii laga dalbaday in ay arrintan ka hadasho.