Fannaanada Sahra Halgan, ayaa ku eeddaysay murashaxa jagada madaxweynaha xisbiga Waddani iyo siyaasiyiinta ka soo jeeda beesha xisbigaa in shaxaad ay ka doonayaan ganacsadaha SomCable Maxamed Aw SiciidGeedi, isla markaana waxay difaacday taageerida murashaxa xisbiga Kulmiye Muuse Biixi. Waxaanay tidhi iyadoo arrimahaasi ka hadlaysa:
“Illaahay baan idinku dhaarshee ma xaq baa hadalada dad aqoonyahano sheeganaaya in ay af-qabyaaladeed ku hadlaan? Carruurtii iyo ubaxii dalka Somaliland ayey dhagihii ka wasakheeyeen. Anigu kuwan aqoon yahano uma aqaano. Jahli u adeegayaal weeye. Anigu mid baan fahmi waayey, waxaad arkaysaa dad dam ah oo bii (B.J), iyo ja toona kala saarayn oo sheeganaaya aqoon yahan iyo indhagarad.โ
Sahra Halgan oo arrimahaa ka sii hadlaysa waxa ka mid ahaa hadalkeedii sidan:
โAnigu kolkaan eegay waxaan ogaaday in magacyada ku talo gal loo adeegsado oo loo yidhaahdo alk an dhagaysta aqoon yahanka sheeganaaya, looguna joogsado. Samcable intay dalka u qabatay, umaydaan qaban ragga aqoon yahanada isku sheegayow, af qaawan baad la soo taagan tihiin. Qofka ganacsadaha ah xaq buu u leeyahay innuu taageero xisbiga uu doono oo uu maalkiisa ku shubo xisbiga uu doono. Gacansadaha ina Aw-siicid xor ayuu u yahay innuu taageero murashaxa xisbiga Kulmiye Muuse Biixi Cabdi, maalkiisa iyo lacagtiisana ku shubo ee illahay ayaa siiyey eel agama xumaado. Haddii dadka ka soo jeeda iyo murashaxa xisbiga Waddani Cabdiraxmaan Cirro, ay ka rabaan Ina Aw-siciid sheexaad dariiqan, dariiq aan aheyn in loo soo maro oo caadi loo waydiisto ayey aheyd ee ma haboona in ragga xisbiga waddani sheeganaaya inay wax ka sheegaan Ganacsadaha Maxamed Aw-siciid ee Samcable. โ