Labada gole ee xeerdejinta, Wakiillada iyo Guurtida, ayaa maanta sidii la filayey qabsaday kulan aan caadi ahayn waxayna aqlabiyad ku ansixeen Guddoomiyaha Cusub ee Maxkamadda Sare Aadan Xaaji Cali Axmed.
Golaha waxa maanta ka soo xaadiray 122 xildhibaan, 110 ka mid ahi way ogolaadeen, 11-na waa ay ka aamuseen, cid diidayna ma jirin.
Sidaas ayuu Aadan Xaaji Cali Axmed uu ku noqday madaxa garsoorka Somaliland oo dastuuriyan ah rukunka saddexaad ee dawladnimo.
Garyaqaan Aadan Xaaji Cali Axmed wuxu muddo bare sare ka ahaa Jaamacadda Hargeysa marna wuxu ahaa Hormoodka Kulliyadda Nabadda iyo Xalinta Khilaafaadka ee Jaamacadda Hargeysa. Sidoo kaleย Aadan Xaaji wuxu muddo dheer ku soo jiray bulshada rayidka ah isagoo laba sanno guddoomiye ka ahaa Dallada Jilayaasha aan Dawiliga ahayn ee magaceeda loo soo gaabiyo โSONSAFโ.
Guddoomiye Aadan waxa hor yaal hawl culus oo ah in uu wax ka qabto hannaanka garsoorka Somaliland iyo sugidda caddaaladda iyadoo cabashooyin iyo dhalliilo baaxad leh ay beryihii u dambaysay ka jireen garsoorka, taas oo Madaxweyne Siilaanyo laftiisu uu ku xusay wareegtadii uu xilka kaga qaaday guddoomiyihii hore ee Maxkamadda Sare, Garyaqaan Yuusuf Ismaaciil Cali โYuusuf-Muruqโ.
Bandhige@gmail.com