War-saxaafadeed ka soo baxay Xisbiga Waddani oo uu ku saxeexan yahay Guddoomiyaha Waddani, ahna Musharaxa madaxweyne, ahna Guddoomiyaha Golaha Wakiilada Cabdiraxmaan Maxamed Cabdilaahi “Cirro” ayaa lagu magacaabay Xamse Cabdiraxmaan Khayre in uu noqdo Madaxa Ololaha Doorashada Madaxtooyada (Campaign Manager) ee Xisbiga WADDANI, waxaanu hoos imandoonaa Hoggaamiyaha Xisbiga.
War-saxaafadeedkaasi oo dhammaystirani wuxu u qornaa sida tan:
KU: Md. Xamse Cabdiraxmaan Khayre Hargeysa
OG: Dhammaan Guddoomiyeyaasha Gobollada WADDANI Rugtooda
OG: Guddida Fulinta Xisbiga WADDANI Hargeysa
OG: Hoggaanka Xisbiga WADDANI Hargeysa
OG: Xoghayaha Guud ee Xisbiga WADDANI Hargeysa
OG: Hoggaamiyaha Xisbiga WADDANI Hargeysa
OG: Guddoomiyaha Ku-meel-gaadhka ah ee Xisbiga WADDANI Hargeysa
Ujeeddo: Magacaabis Xil.
Markaan darsay: Qodobka 30aad faqradiisa 6aad ee Xeerka Xisbiga WADDANI
Markaan Arkay: Baahida loo qabo in la buuxiyo xilkan
Markaan la Tashaday: Xubnaha Hoggaanka Xisbiga WADDANI
Markaan ku Qancay: Kartida iyo Aqoonta uu leeyahay
Ka dib markaan helay soo jeedinta Hoggaamiyaha Xisbiga WADDANI, sida ku xusan Qodobka 36aad faqraddiisa 4aad ee Xeerka Xisbiga WADDANI; waxan maanta oo taariikhdu tahay 22ka February 2017 u magacaabay Md. Xamse Cabdiraxmaan Khayre inuu noqdo Madaxa Ololaha Doorashada Madaxtooyada (Campaign Manager) ee Xisbiga WADDANI, waxaanu hoos imandoonaa Hoggaamiyaha Xisbiga WADDANI.
Waxaanu ilaahay ka baryeynaa inuu horseed ka noqdo guul qaran iyo mid Xisbi, isaga oo adeegsanaya aragtida Isbeddel Caddaalad iyo Horumar ku dhisan.
ALLA MAHAD LEH
_______________________________________
Dr. Cabdiraxmaan Maxamed Cabdillaahi (Cirro)
Guddoomiyha Xisbiga WADDANI