Guddoomiyaha xisbiga Waddani Cabdiraxmaan Maxamed Cabdillaahi โCirroโ ayaa waxa uu maanta ku booqday Mujaahid Maxamed Biixi Caalin (Ooto Biixi) oo maalmahii ugu dambeeyey xaalad caafimaad u jiifay cisbitaalka weyn ee Hargeysa.
Cabdiraxmaan Cirro oo ay wehelinaayeen xubno ka mid ah xisbiga Waddani, ayaa Mujaahidka ka xaal waraystay xaaladdiisa caafimaad, waxaana uu Alle uga baryey in uu si deg-dag ah uu xanuunka uga dul-qaado, ugu na bedelo caafimaad sareecan ah, isaga oo ballan-qaaday in ay ka xisbi ahaan ay gacan weyn ka geysan doonaan daaweynta Mujaahid Ooto Biixi.
Dhanka kale na Mujaahid Ooto Biixi oo xaaladdiisa caafimaad soo wanaagsanaanayso, ayaa guddoomiyaha uga mahad-celiyey soo booqashadiisa, isaga oo sheegay in hada uu wanaagsan yahay xaalkiisa caafimaad.
Mujaahid Maxamed Biixi Caalin โOoto Biixiโ oo ka mid ah mujaahidiintii ee u soo halgamay dalka, ayaa xilligan ka tirsan siyaasiyiinta ku jira xisbiga Waddani.