Waxaa Maanta caasimadda Hargeysa si balaadhan loogu dabaal-degay munaasibadda xuska maalinta dhallinyarada adduunka , taas oo ay si wada-jir ah u soo qaban-qaabiyeen Wasaaradda Dhallinyarada iyo Ciyaaraha Jamhuuriyada Somaliland, HAVOYOCO iyo Hay’adda Caalimaga ah ee Oxform.
Munaasibadan oo si qurux baddan loo soo agaasimay ayaa ka qabsoontay Hotel maansoor ee Magaalada Hargeysa, waxaana ka soo qeyb-galay Madaxda dawlada oo ay hor kacayeen Wasiirka shaqo galinta arimaha bulshada iyo qoyska ,Wasirka Waasaradaha maaliyada , Wasaaarka Cadaalada , Gudoomiyaha hay’adda shaqaalaha , Lataliyaha madaxweynaha ee arimaha bulshada, agaasimaha waaxda qorshaynta ee wasaarada Dhalinyarada iyo ciyaaraha, Wasiir ku xigeenka wasaarada ariamaha dibada iyo iskaashiga caalimiga ah, masuuliyiin ka socday , hay’adda Oxform , dhalinyarada jamacadaha , wakiilka Somaliland ee HAVOYOCO iyo marti sharaf kale oo tiro badan.
Waxaa kale oo iyagana si gaara loogu soo Casuumay dhalinyaro la timid arimo cajiiba oo kala duwan madasha ku soo bandhigay hibada iyo hal abuuur ilaahay ku galaday iyagoo hirgeliyey fikrado ganacsi sidaana kaga soo dhex mudheen dhaliyarada asaagooda ah iyo bulshada guud ahaanaba sidaaana ay ku noqdeen tusaalaayaal nool oo la rabo in dhalinyaradii kale ku daydaan.
Xuska maalintan dhallinyarada adduunka oo sannad walba xilligan laga xuso caalamka oo dhan, ayaa waxaa hal-ku-dhiga sannadkan loo qaatay , ‘Deegaan amaan ah oo ku haboon dhalinyarada ”(Safe space for youth). Ugu horeyn, waxaa halkaasi ka hadlay Wakiilka HAVOYOCO ee Somaliland Cabdilaahi Maxamuud Xassan Guddoomiyaha , Wasiirka wasaarada qorshaynta qaranka , Cawaale Shire, Wasiirka Wasaarada Cadaaladda Cabdiqani Maxamud Caateeye, Wasiirka ,Agaasimaha waaxda qorshaynta Cabdirashiid Caydiid Yaasiin, Wasiirka Maaliyada Yuusuf Maxamed Cabdi Dhamaantoodba hambalyo iyo bogaadin u direen dhalinyarada Somaliland Xuska munaasibada dhalinyarada awgeed oo ku began 12 /08//2018 waxaanay u mahad-naqeen cid kasta oo gacan ka geysatay xafladan balaadhin ee u gaarka ah guud ahaan dhallinyarada Jahmhuuriyadda Somaliland. Masuuliyiintii halkaa ka hadashay Waxay sidoo kale soo ban-dhigeen waxyaabaha aasaaska u ah horumarka dhallinyarada iyo sidii dhaliinyaradu awooda dihin uga faa’iidaysan lahaayeen si qarankeenu adduunyada kale u gaadho , intii Xafladu socotay waxaa hal abuur kala duwan ku soo bandhigeen dhalinyaradii la soo xulay oo kala socday gobolada Somaliland kuwaas oo dadkii madasha fadhiyey kagaga qiiraysiiyey muujiyeyna in dhalinyaradu wax kasta ay qabsan karaan. Dhinaca kale kooxda HAVOYOCO ee wacyigelinta ayaa iyaguna madasha ku soo bandhigay ruwaayad aad u xiiso badan oo ka hadleysay shaqo abuurka dhalinyarada iyo mihiimada ay leedahayd barashada xirfaduhu.
Ugu dambayntii Wasiirka shaqo galin , arimaaha bulshada iyo qoyska Marwo Hinda Jaamac gaani ayaa soo gunaanaday munaasibadan maalinta dhallinyarada adduunka, waxaana hadaladi ay halkaasi ka soo jeediyey oo ahaa kuwo dhinacyo baddan, iyada oo ugu horeyn uga hambalyeysay dhallinyarada Somaliland xuska maalinta dhallinyarada adduunka. Sidoo kale Wasiirku waxay dhalinyarada ugu baaqday inay hibooyinkoooda iyo hal abuurkooda ka faa’iideeyaan iskana ilaaliyaan tahriibta iyo wixii mustaqbalkooda baabiinaya waxaanay hadalkeeda ku soo gunaanaday in ay dhallinyaradu tahay sharafta iyo awooda dal kasta uu horumarkiisa ku gaadho. Halkaana waxaa Marwo Hinda iyo Masuuliyiintii kale gudoonsiiyeen shahaadooyin iyo Bilado ay u soo diyaarisay Hay’adda HAVOYOCO.