Suldaan Cabdilaahi Cali Muuse iyo Suldaan Maxamed Cabdiqaadir ayaa dar-darano dhaxal gal ah oo isku sidkan u guntay ergooyinka ka soo qayb-galay shirka Sama Talis ee magaalada Burco uga furmay beelaha Habar-jeclo iyo Garxajis, waxaanay labada Suldaan ay ku booriyeen ergooyinka kale duwan ee madasha shirka ka qayb-galay inay shirka ka soo saaraan goโaamo lagu farxo oo waxtar ah.
Suldaan Cabdilaahi Cali Muuse ayaa ugu horreyn khudbad ka jeediyey shirka ayaa ย ergooyinka u sheegay in aanu shirkani ahayn mid siyaasaddeed โ Marka hore waxaan idin leeyahay raggii la tuhmayey ayaad tihiin ee magac-yadda ย kale duwan loo bixiyey ,marka ugu horraysa waxaan leeyahay shirkani ย mahaa shir siyaasadeed ee waa shir dhaqan .โ
Suldaan Cabdilaahi ayaa isagoo haddalkiisa sii wata ku booriyey ergadda siddan โ Walaahi shirkan meel walba waa lagga haddal hayaa ama waxaynu noqonaynaa dad Somaliland u taliya ama dad aan wax-ba la weydiin imtixaankii ugu xumaa ayeynu ku jirnaa maanta nin walowba caqligaaga geli , waxa inala gudboon maanta oo shirkaa aannu u qabanay waxa weeye wixii nolol if iyo aakhirana ku saabsan in wax-garadku isku yimaaddo , dabadeed-na ay baahida taal wax-garadku wax ka qabto oo uu wax ka soo saaro baahi baddan ayaa taal Bari ha sii taaloโe ,waxaan leeyahay waxaad ku talisaan ceebta innaga ilaaliya shirkaasu Magac ha inoo soo jiido iyo manfac-ba , waxaan leeyahay tolkayoow waxaan dani idiinku jirin tuura wixii dani innoogu jirtana soo qaata isku mid noqda weynu arragnay kale qaybsanaan oo wey ina soo martay inay wax-ba tari weyday ayeynu ognahay .โAyuu yidhi Suldaanku.
Isagoo haddalkiisa sii wata wuxuu intaas ku darray Suldaan Cabdilaahi Cali Muuseโ Waxaan illaahay ka baryayaa idinkana idinka codsanayaa shirkaasu shir magac reeba oo Somaliland waxtara inuu noqdo inana dad la mahadiyo aynu noqono oo wixii dalka ka dhimman iyo wixii innaga innaga dhimman aynu ka talino,illaahayna barino waxaynu doonaynu inuu innagu hagaajiyo isagu. โ
Ugu dambeyn Suldaan Cabdilaahi ayaa mar kale ergadda ku dar-daaray inay shirka ka soo saaraan goโaamo dhaxal gal ah oo ay ilaabaan xanaftii hore ย โWaxaan ku rajo qabaa shirka in aad ka soo saari doontaa waxaan ku farxo illaahayna ha idinka farxiyo innaga rabba doqoniimadda weys garanaynaa inteena halkan ku shirtay waar meesha magac ka soo saara wixii hoose dhaafa caddow badan ayeynu leehay wixii caddowgaasu uu ku jabi lahaa meesha haka soo baxeen .โ
Geesta kalene waxa isna halkaas khudbad dar-daara iyo boorin ah uga jeediyey ergooyinka ka qayb-galay shirka Sama Talis Suldaan Maxamed Cabdiqaadir, waxaanu haddalkiis ku bilaabay siddan โ Horta shirkan maanta annigu weli ma tegin shir ka weyn mana iman horena ummuu dhicin waana shir loo baahnaa , wixii lagagga wadda haddalona taladeedu waxay tahay in la qaato oo si daacad ah loo noqdo oo daacadnimo aynu wax ku waddno ,dadka arrinka ka dhaxeeya mid siyaasi uun mahee mid dhaqan ayaa ka dhaxeeya ย dadku badhna waa isku deegaan badhna wey kale durugsan yihiin,waxa la yidhi shirkan wax siyaasadd ah lagagama haddli karro runtii maan jeclay midhaana in lagga haddlo ayaan jeclaa waayo dadku waxay isku fahman waa luuqadda siyaasadda weeye ayey inta baddan isku afgartaan , lakiin kol haddii la yidhi taasi waa ka mamnuuc shirka waan iska dhaafayaa wixii dambe ee dib loola yimaado mooyee .โ Ayuu yidhi Suldaan Maxamed Cabdiqaadir.
Suldaan Maxamed ayaa ergada ugu baaqay inay shirka ay ka soo saaraan goโaamo midho dhal ah, si loogu dhiteeyo jiilasha dambe โWaxaan leeyahay wixii maanta halkaa tallo lagu gaadho yaan la fudaydsanin ย waa in siddee loogu dhaqmaa oo loo fuliyaa oo ballamo ayuu leeyahay ballamihiisa waa in la adkeeyaa, arrintaasi haddii ay daciif idinka noqoto laba dambe isma arrkayso, maanta wixii halkaa lagu goโaansado in la xoojiyo la adkeeyo oo la garab galo waa mid loo baahan yahay ,shirku waa inuu midho dhalaa midhaasi ay noqdaan qaar loo diyaariyey ummadda soo koraysa ee mahaa in aynu innagu ka sii burburino.โ Ayuu yidhi .
Gunaanadkii Suldaan Maxamed Cabdiqaadir ayaa ergadda shirka ugu baaqay inay ย arrintii Ceel-afweyn ka dhacday aanay hilmaamin ee tallooyinka shirka ku darsadaan โLabadan beelood ee maanta shiraya waxaan leeyahay arrintii Ceel-afweyn siddaa wax uga qaban lahayd tallooyinka ku darsada , waxaan jecelahay in arrinkaasi aad loogu gurmaddo, dhismaha Somaliland wuu ku xidhan yahay shirkani haddii aad halkaa ku ilowdaan dee reer Somaliland ilaaway ayaad tihiin .โAyuu yidhi ugu Dambeyn.