Ruushka ayaa qaaday hawlgal baaxad weyn oo duqaymo ah oo uu ka fuliyey guddaha waddanka Suuriya isagoo adeegsanaya maraakiibta dagaalka ee uu geeyey xeebaha waddankaasi.
Wasiirka difaaca Suuriya ayaa sheegay in markii ugu horreysay diyaarado dagaal ay duulaan ku qaadeen Markab diyaaradaha dagaalka xambaara iyadoo sidoo kale gantaalaha ridada dheer laga riday markabkaasi.
Wasiirka ayaa sheegay in bartilmaameedku uu ahaa fadhiisimo ay leeyihiin kooxda la baxday dawladda Islaamiga iyo kooxaha falaagadda ee xidhiidhka la leh Al-Qaacida ee ku sugan gobolada Idlib iyo Homs.
Sidoo kalena duqaymo laxaad leh ayay ciidamadda Suuriya waxay dib uga bilaabeen bariga magaalada Xalab ee ay gacanta ku hayaan kooxaha mucaaridka kadib todobaadyo hakad ku jirtay duqayntaasi. kooxaha u dhaqdhaaqa Suuriya ayaa sheegay in duqayntaasi ay ku dhinteen ugu yaraan 5 qof.