Madaxweynaha Maraykanka Donald Trump ayaa ku amray Golaha Amniga Qaranka in ay dib u eegaan heshiiska caalamiga ah ee barnaamijka nuclear-ka Eeraan, iyo in hakinta cunaqabateynta la saaray dalkaasi ay muhiim u tahay danaha amniga qaran ee Maraykanka.
Xoghayaha arrimaha dibedda Maraykanka Rex Tillerson ayaa dib u eegistan shaaca ka qaaday salaasadii markii uu la hadlay afhayeenka aqalka wakiilada Paul Ryan.
Tillerson ayaa sheegay in Eeraan ay u hoggaansameyso masโuuliyadda ka saaran fulinta heshiiskii la gaadhay 2015-kii, kadib wada-xajaoodyo ay la gashay Maraykanka, Britain, France, China, Russia iyo Germany.
Tillerson oo arrintaasi ka hadlayeyna waxa uu yidhi:
โSi kastaba Eeraan weli waa dal argagixisada ku taageera meelo iyo habab badan.โ
Qaramada Midoobay, Maraykanka iyo dalal kale ayaa horey Eeraan ugu soo rogay cunqabateyn dhaqaale, oo looga gol lahaa in lagu qasbo in ay ka tanaasusho barnaamijkeeda nuclear-ka.