Xisbiga Waddani ayaa waxa uu maanta xus baroor-diiq u sameeyey dhallinyaradii gaadhaysay afarta boqol ee ku leโeday badda u dhaxaysa Masar iyo Talyaaniga, ย xuskan ayaa Waddan waxa uu ku ย muujinayey sida ay xisbi ahaan uga xun yihiin dhallinyartii reer Somaliland ee maalmo ka hor ku leโday badda.
Xuskan oo ay soo qaban-qaabiyeen garabka dhallinyarada heer qaran ee xisbiga Waddani ayaa waxaย ka soo qeyb-galay Guddoomiyaha Waddani Cabdiraxmaan Maxamed Cabdillaahi โCirroโ, hoggaanada, guddida fulinta, garabka dhallinyarta iyo taageerayaasha Waddani, ayaa ay guud ahaanba dadkii ka soo qeyb-galay waxa ay salaadul Jinnaasa Jamaca dhallinyartaas Marxuumiinta ah lagaga tukadey barxadda Hudheelka Maroodi-jeex ee Hargeysa.
Afhayeenka garabka dhallinyarta Waddani Maxamed Siddiiq Dhamme, oo ugu horreyn halkaas ka hadlay, ayaa sheegay in ay ka dhallinyar ahaan aad ugu xun yihiin dhallinyarta ku geeriyootay badda u dhaxeysa Masar iyo Talyaaniga, waxaana uu tacsi tiiraanyo leh u diray ehelkii, qaraabaddii ,asxaabtii iyo guud ahaan shacabka Somaliland, isaga oo ugu baaqey xukuumadda talada haysa in ay la timaado qorshe dhallinyarta lagaga badbaadinaayo aafada Tahriibta.
Guddoomiyaha Waddani Cabdiraxmaan Maxamed Cabdillaahi โCirroโ oo isna dhankiisa halkaas erayo dareen leh oo ay ka muuqatay sida uu uga xun yahay ka soo jeediyey madashii baroor-diiqda looggu sameeyey, ayaa waxa uu ugu horreyn Alle ugu baryey Marxuumiintaas in uu godka u nuuriyo, kana waraabiyo naxariistiisii jannatul Fardowsa, sid oo kalena uu samir iyo iimaan ka siiyo eheladdii, qaraabaddii iyo guud ahaan shacabka Somaliland ee ay ka baxeen dhallintaasi, waxa kale oo uu tilmaamay in dhallinyarta Somaliland ay gabtay xukuumadda talada dalka haysa isla mar ahaantaana taa bedelkeeda ay u hayaan qorshe ay ku horumarinayaan dhallinyarta Somaliland oo lagaga bixi doono dhibbaatooyinka rejo laโaaneed ee haysta.
Geba-gabaddiina, waxa halkaas si wada-jir ah loogaga duceeyey Marxuumiintii dhallinyarta ahayd ee ku geeriyooday badda, iyada oo ay Illaahay uga baryeen in uu godka u nuuriyo sida oo kalena uu ka waraabiyo jannatul Fardowsa, ehelkii, qaraabaddii iyo asxaabtii ay ka baxeen uu samir iyo iimaan ka siiyo.