Wasiirka Arrimaha Guddaha Cali Maxamed Waran-cadde ayaa waxa hambalyo u diray ciidamada ammaanka iyo dhammaanba ummadda Muslimiinta curashada bisha barakaysan ee Ramadaan.
Hambalyada wasiirkuna waxay u dhignayd sida tan:
“Anigoo ku hadlaya magacayga iyo kan wasaarada Arrimaha Gudaha iyo Amaanka Jamhuuriyadda Somaliland, waxaan ugu horeyn hambalyo iyo bogaadin u dirayaa dhammaan Ciidamada Amaanka Dalka Iyo Xaasaskooda, Shucuubta Islaamka guud ahaan iyo shacbiga Jamhuuriyadda Somaliland , oo aan ku tahniyadaynayo bilashada bisha barakaysan ee Ramadaan, waxaan leeyahay Ramadaan kariim, kullu caam wa-antum bilkhayr. Illaahayna waxaan ka baryayaa in aynu Ramadaantan teeda kale innagu gaadhsiiyo bash-bash, barwaaqo iyo amni, Aamin.”