Guddoomiyaha xisbiga Kulmiye Muuse Biixi Cabdi iyo wefti uu hoggaaminayo oo ay ka mid yihiin Wasiirrada Wasaaraddaha Madaxtooyadda iyo Warfaafinta Somaliland Maxamuud Xaashi Cabdi iyo Cismaan Cabdillaahi Saxardiid (Caddaani) iyo masuuliyiin kale, ayaa socdaal la xidhiidha taakulada abaarta ku tagay Gobollada Saraar iyo Sool.
Weftiga oo galinkii dambe ee maanta ka ambabaxay magaalada Burco ee xarunta Gobolka Togdheer oo ay ku sugnaayeen maalmihii u dambeeyey, waxa markii ay gaadheen magaalada Caynaba ee xarunta Gobolka Saraar galabta ay kulan kula qaateen guddiga abaaraha heer gobol oo ay ka xog-waraysteen xaaladda abaarta, waxaanna Guddoomiyaha Kulmiye ku wareejiyey taakulo boqol booyadood ah oo xisbigu u qoondeeyey inay qayb ka ah taakulada abaarta ee Gobolka Saraar.
Intaa kadibna waxa weftigu u baqoolay Gobolka Sool oo Guddoomiyaha Kulmiye iyo madaxda kale ee wehelinaysaa ay caawa u hoydeen magaalo Laascaanood.