Waa suaal aan is waydiiyay. Maalin ayaa niman dhalinyar ah anoo maqaaxi fadhiya ayay ila soo fadhiisteen iyaga oo ka cabanaaya qabiilkii meel xun ayuu marayaa, waxaan ku idhi adeer qabiil ma jiro, ma baryihii hore ee awoowyaasheen mise imika, wuu jiray barigii hore laakiin maanta ma jiro, maanta waxaa soo baxay qabaail cusub oo magaac leh, qabiilka siyaasiyiinta , qabiilka basaasiinta iyo qabaailka dadka dadka waala ,Gaalkii saancadaalaha ahaa ayaa xabaashii u qoday qabiilkii kuwaas uu abuuray ee uu inagaga tagay ayaa iilkii ku hubsaday, maanta awrkooda ayuun bay ku kacsadaan oo danahoodya ay ku gaadhaan, maxastuna waa shidaalkoodii, waxa aan la yaabaa niman aqoon yahan isku sheega oo qabaail ka sheekaya, waxaan nimankaa u kala saari waayay inay (mental retarded) garaad gaab yihiin ama is yeelyeelayaan.
Waxaan u soo taagnaa dhacdooyin badan, oday reerkayaga ah oo qabiilku aad ugu waynaa, markii wax lagu shubtay lana fahamsiiyay siday ciyaaruhu usocdaan sida uu isu badalay cirka iyo dhulka ayuu isu jiraa, siduu maanta yahay iyo siduu ahaan jiray.
Waxaan kuu sheegayaa maanta kii dad kuugu xigay ayaa hunguri ku siisanaya oo ku iibsanaya markaa qabiilka aad sheegaysaan xagee ayuu joogaa, nin odayshii dadkii hore ee wanaagsanaa ayaa waxa laga hayaa waar sadex nin oo ilmaadeer ah ayaanu ahayn yaa na soo sheegay, waxaa loogu jawaabay sadexda ayaanu mid ayaan lahayn.
Oday maraykan ah, ayaa arimo aan ladoonin ka hadlay markaas ayaa weerar lagu soo qaaday, wuxuu yidhi waar waa side maxaa lay lahaa dimuqraadiyad ayaa jirtay waa maxay waxaan shaydaaniga ah ee isoo weeraray, waxaa soo weeraray dadkii dadka waali jiray. Gabadh maraykan ah ayaa islaamtay markaas ayaa ehelkeedii oo dhan ayaa gooyay, waxay tidhi (Islam is everything for me)islaamka ayaa waa wax walba ii ah.
Maanta markaad is barbardhigto gaalada iyo muslimiinta waxa uu baraarugu ku badan yahay gaalada oo aad u dareemay dadkan dadka waala ee shaydaaniga ah, laakiin nasiib darro hubkii ay kula dagaalami lahayeen mahayaan, ku wii haystay ee muslimiintuna way hurdaan nin caraba ayaa yidhi ( laa xayaata liman tunaadii) nololi kuma jirto kuwan aad u dhawaaqaysid.
Hoos ka akhriso maqaalladii hore ee Nuur Xaaji Xiiray oo Soomaali iyo Ingiriisi ah:
Sidee ummadi ku horumari kartaa ama qof ku horumari karaa?
Goorma ayaa ummad la hoggaamin karaa?
Sidee ayay u shaqeeyaan dadka dadka waalaa
Maxaad ka taqaanaa dadka waala?
Xarakaadka Islaamku ma gaadheen ahdaaftoodii?
Maxaa Somaliland loo ictiraafi waayey?
Shakhsiyadda adduunka loogu neceb yahay
Nuur Xaaji Xiiray
nur.hersi21@gmail.com