Xoogaga dagaalyahanada Al-qaacida ee Dalka Yemen ayaa lagu soo waramayaa inay la wareegeen, qaybo ka mid koonfurta magaalada cadan ee Dalka Yemen, ka dib markii ay Xuutiyiita toddobaad ka hor laga saaray magaalada cadan halkaasi oo ay Xoogaga Al-qaacida ay kaga awood roonaadeen Xuutiyiinta.
Kooxda Al-qaacida ayaa soo galay Magaalada Cadan habeenimadii sabtidii, waxaana dorraad oo Axad ahayd lagu arkaayay inay qaar kamid ah xaafadaha magaalada sidoo kalena qaar ka mid ah xarumaha dawlada ay ka taagteen calankoodii astaanta u ahaa.
Xoogaga dhaqdhaqaaqa Al-qaacida ayaa dhabar jab ku noqonaya isbahaysiga la dagaalama xuutiyiinta, kuwaas oo dadaal haatan ugu jira inay weerer ku qaadaan magaalada sanca.
dhinaca kale dawlada imaaraadka carabta ayaa daboolka ka qaaday inay xoogaga Al-qaacid ka soo furatay nin u dhashay dalka UK, ninkaasi oo ay madax furasho u haysteen xoogaga Al-qaacida ee yemen ka dagaalama, ninkaasi haatan loo kexeeyey magaalada Abu Dhabi.
Sidoo kale Amiirka imaaraadka carabka ayaa khadka telefoonka kula xidhiidhay Raysal Wasaaraha dalka Ingiriiska David Cameron, ayaa u xaqiijiyey in Dawlada imaaraadka carabtu ay Gacanta ku hayaan muwaadinkaasi, oo uu caafimaad qabo, hase ahaateed Dawlada imaaraadka carabtu faafaahin kamay bixin magaca muwaadinkaasi iyo waliba qaabka ay uga soo furteen kooxda Al-qaacida.