Kooxda Chelsea ayaa u dabaaldegtay koobka horyaalka Ingiriiska oo ay ku guulasatay ka hor inta aan la gaadhin dhammaadka xilli-ciyaareedkan ka dib markii ay xalay ciyaartay ciyaarteedii ugu dambaysay.
Ciyaartan ugu dambaysay xilli-ciyaareedkanย intii aanay bilaabmin ka hor, waxa abaal-marinta xidigga ugu wanaagsan xilli-ciyaareedkan la guddoonsiiyey ciyaartoyga reer Belgium Eden Hazard.
Hazard xilli ciyaareedkan wuxu ka mid ahaa xiddigihii Chelsea u suurto-galiyey inay ku guulasaysto koobka horyaalka iyo koobka โcapital oneโ oo ay 2:o kaga qaaday kooxda Tottenham.
Ciyaartii ugu dambaysayna waxay Chelsea dhirbaaxo weyn gaadhsiisay kooxda Sunderland oo marti ugu ahayd Chelsea garoonkeeda Stemford Bridge, iyadoo kaga adkaatay 3:1, wallow ay ย Sunderlandย ku horaysay gool-dhallinta.
Dhinaca kale, waxay ahayd ciyaartii ugu dambaysay ee ciyaartoyga weyn ee Ivory Coast Didier Drogba uu u ciyaaro Chelsea sida uu ku dhawaaqay Axaddii.
โWaxaan doonayaa inaan ugu yaraan hal xilli-ciyaareed sii ciyaaro si aan ugu sii jiro ciyaarta kubbada cagta, taasina waxay u baahan inaan tago koox kaleโ sidaas waxa yidhi Didier Drogba mar uu waramayey mareegta kooxda Chelsea.
Wuxuu intaas raaciyey โwaan ogahay in dhammaan taageerayaasha Chelsea i jecel yihiin, waxaan rajaynayaa inaan halkan ku soo laabto mustaqbalka anigoo door kale oo masuuliyadeed ciyaaraya.โ
Drogba wuxuu horey uga tagay Chelsea xagaagii 2012, isagoo sannadkaas dhaliyey goolkii barbar-dhaca iyo rikoodhihii guushu ku raacday kooxda Chelsea tartankii Champion League-ga ee ku wada loolameen kooxda Bayer Munich.
Waxa diyaariyey:ย M. M. Dhamac
bandhige@gmail.com