Guddiyada Caddaalada, Garsoorka, Xuquuqal Iinsaanka iyo Dastuurka ee Golaha wakiiladda ayaa maanta Kulan wadatashi ah u qabtay xeerka Kufsiga oo ay guddidu gacanta ku haysay horena ay u soo gudbiyeen ururka NAGAAD.
Kulankan ayey ka soo qayb galeen ururada bulshad , wasaaradaha, jaamacadaha, iyo Hay’adaha Garsoorka ayaa waxa ugu horayn hadal ka jeediyey Gudoomiyaha gudi hoosaadka Caddaalada Siciid Cilmi Rooble waxaanu uga mahadnaqay sida wanaagsan ee ay uga soo qayb galeen isagoo sheegay in guddidu dhagaysanayso talada ka soo qayb galayaasha isla markaana ay ku salayn doonaan nuqulka ugu danbeeya ee ay Golaha u gudbinayaan kal-fadhiga dhawaan furmaya.
Waxa sidoo kale isna ka hadlay Xoghayaha Guud ee Golaha Wakiilada Cabdirisaaq Siciid Ayaanle oo tilmaamay in wadatashigan iyo aqoon iswaydaarsigan Xeerka Kufsigu uu socon doono laba maalmood 29—30/07/2015 isla markaana tilmaamay nidaamka iyo sida uu u socon doono isagoo u mahadnaqay hay’addii ka caawisay Goluhu inuu qabto kulankan oo ah Legal Action World Wide (LAWW).
Kulanka ayaa lagu dar-dar galinayaa in sii loo dhamaystiri lahaa xeerka Kufsiga.