Shirwaynaha dallada SONYO oo socday muddo laba maalmood ah ayaa waxa maanta lagu doortay in uu noqdo Guddoomiyaha cusub oo hoggaamin doona muddada soo socota Cabdicasiis Siciid Saalax kadib markii uu tartanka jagada Guddoomiyenimada Cabdicasiis Xirsi Warsame.
Ka hor intii aanay doorashadu dhicin ayaa waxa uu Cabdicasiis Xirsi Warsame ka jeediyey shirka khudbad kooban oo ku shaaciyey in uu ka tanaasulay ayaa waxaana ka mid ahaa mahadnaq u jeediyey dhammaan dhallinayaradii hawsha kaambaynka la waday.
Mar uu ka hadlayey tanaasulka waxa uu yidhi:
“Waxaan u mahadnaqayaa in aadka iigu dhabar adaygtay ee ila socotay intii aan kaambaynka ku jiray tan iyo tii hore.”
Isagoo hadalkiisa sii watana waxa uu yidhi:
“Waar inteenaas halkan fadhiyaa haddii aan Madaxweyne isku soo sharaxo sow ii dayn maysaan.”
Guulaha shirweynaha 8aad ee SONYO ayaa waxa uu weyn iyadoo walaac badan laga qabay doorashada Guddoomiyaha iyo habsami u socodka shirkaba in taasi uu maanta soo gabagabeeyey Cabdicasiis Xirsi Warsame.
Shirkii 8aad ee Gollaha sare ee SONYO ayaa waxa u ku dhammaaday buuq la’aan iyadoo kan kii ka horeeyey uu hadheeyey muran badan oo ka dhashay doorashada Guddoomiyaha.
