uddoomiyaha Xisbiga KULMIYE, ahna murrashaxa madaxweyne Md. Muuse Biixi Cabdi iyo wafti ballaadhan oo uu hoggaaminayo, ayaa shalay si weyn loogu soo dhaweeeyey badiba magaalooyinka u dhexeeya Berbera iyo Hargeysa, kuwaas oo kala ah Daray-godle, Dacar-budhuq, waxana deegaannadaas ku qaabilay dadweyne tiro badan oo kamid ah taageerayaasha xisbiga KULMIYE, kuwaas oo lulayey caleemo qoyan iyo astaanta xisbiga KULMIYE.
Dhammaanba deegaannada ay taageerayaasha KULMIYE isugu soo baxeen ee u dhexeeya magaalooyinka Berbera iyo Hargeysa, ayaa waxa hadallo mahadnaq ah ujeediyey guddoomiyaha KULMIYE iyo xubno waftigiisa kamid ah, iyada oo cuqaasha, waxgaradka, aqoonyahanka, haweenka iyo haldoorka deegaannadaasina ay si hagar la’aan ah uga qayb qaateen soo dhaweynta, isla markaana warbixinno kooban siiyeen waftiga. Guddoomiyaha xisbiga KULMIYE, ahna murrashaxa xisbiga Md. Muuse Biixi Cabdi oo shacabka deegaannadaas mid walba gaarkiisa ula hadlay, ayaa shacabka si weyn ugaga mahad celiyey soo dhaweyntooda iyo sida xilkasnimada leh ee ay qayb waqtigooda kamid ah u siiyeen.
Guddoomiyaha iyo waftigiisa waxa hadhimo-sharafeed si heer sare ah loo agaasimay loogu sameeyey deegaanka Laasgeel oo ka tirsan gobolka Maroodijeex, waxana hadhimada ka hor guddoomiyaha iyo xisbigiisu shacabka deegaankaas kala hadleen goob fagaare ah oo ay ku qaabileen haldoorka deegaankaasi.
Goor gaaban oo shalay gelinkii dembe ah ayaa guddoomiyaha iyo weftigiisu soo gaadheen caasimadda Hargeysa iyada oo ay afaafka dhinaca bari ee laga soo galo magaalladana ay ku sii sugnaayeen dadweyne aad u tiro badan oo sita calanka xisbiga iyo caleemo qoyan oo ay lulayeen. Kumanaan dadweynaha ah ayaa Guddoomiyaha Xisbiga KULMIYE Md Muuse Biixi Cabdi kagaga hortagay barriga Magaalada Halleeya halkaasi oo ay Guddoomiyuhu kala hadlay kumanaan dadweynaha ah. Guddoomiyaha ayaa u mahadceliyay dadweynihii soo dhaweeyay isaga oo ugu baaqay inay qaataan kaadhadhka Waxaanna uu Guddoomiyuhu sheegay in la ilaaliyo guud ahaan Amniga maadaama uu dadku aad u farabadnaa.
Xigasho: Hubaal Media
bandhige@gmail.com