Guddoomiyaha Wakiilada ahna Guddoomiyaha Waddani Cabdiraxmaan Maxamed Cabdillaahi โCirroโ ayaa kulan qaddo sharaf ah Huteel Ambassador ugu sameeyey qaar ka mid ah ubadkii ay dhalleen Alle ha u naxariistee mujaahidiintii dalka u soo halgamay.
Kulankan ayaa waxa Guddoomiyaha ku wehelinayey Madaxweyne-ku-xigeenkii hore ย Cabdiraxmaan Aw Cali iyo mujaahidiinka oo dalka u soo halgamay.
Ugu horreyn ย waxa kulankan ka hadlay Madaxweyne-ku-xigeenkii hore Cabdiraxmaan Aw Cali, waxaana uu guddoomiye Cirro uga mahadceliyey munaasibaddan qado sharafta ah ee uu ku maamuusay dhallaankii ay ka tageen mujaahidiintii hoyday Alle ha u naxariistee,
Qaar ka mid ah dhallaanka iyo mujaahidiinta oo halkaas iyaguna ka hadlay, ayaa Guddoomiye Cirro uga mahadceliyey kulankan qado sharafta ah ee uu u sameeyey, iyaga oo sheegay in ay aad ugu faraxsan yihiin in guddoomiye Cirro uu soo xasuustay ubadkii iyo dhallaankii ay ka tageen mujaahidiintu.
Guddoomiyaha xisbiga Waddani Cabdiraxmaan Maxamed Cabdillaahi โCirroโ oo isna ugu dambeyntii halkaas ka hadlay, ayaa sheegay in ay farxadweyn u tahay in uu qado sharaf u sameeyo qaar ka mid ah ubadka ay ifka kaga tageen mujaahidiintii dalkan u soo halgamay, waxaana uu sheegay guud ahaanba mujaahidiinta nool, ubadkii, ooryihii ay ka tageenba ay mudan yihiin in la sharfo sida oo kalena la daryeelo kuwooda jilicda san ee u baahan taakuleynta iyo wax la la qabto.