Gudoomiyaha xisbiga mucaaridka ah ee UCID Eng:Faysal Cali waraabe oo shahaado sharaf gudoonsiiyey taliyaha Ciidanka Dab-demiska JSL.
Hargeysa [ CDDQ ] 10/02/2020)}-Gudoomiyaha xisbiga mucaaridka ah ee UCID Eng:Faysal Cali waraabe oo uu wehelinaayo xoghaya arrimaha gudaha ee xisbiga UCID Maxamuud Cali Saleebaan (Ramaax) Iyo Xoghayaha Gaarka ah ee Guddoomiyaha Maxamed Galool, ayaa maanta shahaado sharaf gudoonsiiyey Taliyaha Ciidanka Dab-demiska Jamhuuriyada Somaliland Gen. Axmed Maxamed Xasan Sawaaxili waxaanay ku maamuuseen dedaalkii iyo waxqabadkii uu muujiyey mudadii uu ciidanku jiray.
Ugu horrayn, waxa halkaa ka hadlay xoghayaha arrimaha gudaha ee xisbiga mucaaridka ah ee UCID, waxaanu ku hanbalyeeyey taliyaha ciidanka Dab-demiska dedaalka, kartida iyo qorshaha uu ku hagayo ciidanka dabdemiska JSL, waxaanu ugu baaqay masuuliyiinta gobolada; inay la shaqeeyaan ciidanka dabdemiska si ay u hirgeliyaan qorshaha Dab-demiska maadaama uu dan u yahay badbaadada nafta iyo maalka bulshada. Sidoo kale gudoomiyaha xisbiga UCID ayaa ku boorriyey taliyaha ciidanka Dab-demiska fidinta adeega iyo dedaalka uu ugu jiro sidii looga badbaadi lahaa khatarta dabka loona yarayn lahaa. Waxaanu gudoonsiiyey shahaado sharaf uu ku dhiirrigelinaayo ciidanka Dab-demiska JSL.
Ugu danbayn, Taliyaha ciidanka Dab-demiska JSL ayaa uga mahadceliyey gudoomiyaha iyo masuuliyiinta xisbiga UCID sida wanaagsan ee ay ugu dhiirigeliyeen shaqada ay bulshada u hayaan, waxaanu sidoo kale warbixin kasiiyey Qorsha ciidanka iyo hawlgalada ay fuliyeen mudadii ciidanku jiray, waxaanu ugu danbayn gudoomay shahaado sharaf uu ku maamuusay gudoomiyaha xisbiga UCID.
Xafiiska Warbaahinta Ciidanka Dabdemiska
Somalilandfire@gmail.com
990 Emergency Call Center.