Arabsiyo (WHB) – Isku-duwaha Wasaaradda Horumarinta Beeraha JSL ee Gobolka Gabiley Cabdishakuur Rashiid Macalin iyo Khuburro ka kala tirsan Xafiiska Beeraha ee gobolka Gabiley iyo Waaxda badbaadada Beeraha ee Wasaaradda Beeraha, ayaa Maanta kormeer shaqo ku soo maray Beeraha ku yaalla degmada Arabsiyo.
Isku-duwaha iyo khuburrada la socotay, ayaa la kulmay Beeralayda degmada Arabsiyo, waxayna siiyeen Tababbar iyo wacyigelin ku saabsan sida ugu wanaagsan ee ay uga hor-tagi karaan isla-markaana iskaga xakamayn karaan xanuunnada ku dhaca wax soo-saarka, sida xabuubta (Tamaandhada), Qajida, kaabashka iyo noocyada kale ee khudaarta ay beeraan.
Tababbarka iyo wacyi-gelintan oo ay ka qayb-qaateen khuburrada Waaxda Badbaadada Beeraha ee Wasaaradda Beeraha Somaliland, ayaa waxa ka faa’idaystay Beeralayda degmada Arabsiyo ee gobolka Gabiley.
Isku-duwaha Gabiley iyo dhamaan hawl-wadeenada Wasaaradda Beeraha, ayaa u darban fidinta aqoonta Beeraha iyo taageerada Beeralayda dalka.
……………………..
Madaxa Xafiiska Warbaahinta Ee Wasaaradda Horumarinta Beeraha Somaliland
Cabdiqaadir A. Carab
Bandhige@gmail.com 
