𝗡𝘂𝘅𝘂𝗿𝗸𝗮 𝗪𝗮𝗿 𝗖𝘂𝘀𝘂𝗯 𝗼𝗼 𝗸𝗮 𝘀𝗼𝗼 𝗯𝗮𝘅𝗮𝘆 𝗞𝗼𝗺𝗶𝘀𝗵𝗮𝗻𝗸𝗮 𝗗𝗼𝗼𝗿𝗮𝘀𝗵𝗼𝗼𝘆𝗶𝗻𝗸𝗮 𝗤𝗮𝗿𝗮𝗻𝗸𝗮

Komishanka Doorashooyinka Qaranka ayaa war cusub ka soo saaray go’aamadii qabsoomida doorashooyinka ee ay shalay shaaciyeen.

Qoraal ay ku baahiyeen degelkooda Baraha bulshada oo ay ku soo lifaaqeen go’aamadii ay soo saareen oo ay ku saxeexan yihiin Shan xubnood oo kamid ah Komishanka doorashooyinka Qaranka ayaa u dhignaa sidan.

Komishanka Doorashooyinka Qaranka JSL sida uu dhigay Xeer hoosaadkoodu, marnaba ma baahin warqaddaha go’aamada KDQ soo saaraan ee ay ku saxeexaan yihiin xubnaha KDQ 6aad.

Laakiin taas badelkeeda, KDQ waxa uu go’aamada noocaas ah u baahiyaa hab qoraal/hadal oo aan lahayn saxeexa xubnaha KDQ. Gudoomiyaha ayaa awood u leh in uu ku hadlo afka KDQ marxalladdan, sida uu dhigayo Xeerhoosaadka KDQ.

Haddaba waxaanu caddaynaynaa isla markaana bulshada la waddagaynaa in go’aankii Cayimaadda Qabsoomida Doorashooyinka JSL ee KDQ maalintii shalay soo saaray in ay saxeexeen shan xubnood oo ka mid ah xubnaha KDQ. Ugu dambayn, si aanu bulshada JSL ugu bayaamino waxaanu halkan kula wadaagaynaa Warqaddii Go’aanka ee xubnuhu saxeexeen.

ALLAA MAHAD LEH