Madaxweyne Kim Jong-Un wuxu si xun u khaarajiyey shan ka mid ah raggii barbar taagnaa aabihii maalintii la aasayey afar sanno ka hor.
Madaxda magacyadoodu kala yihiin Jang Song-thaek, Kim Ki Nam, Choe Tae-bok, Ri Yong-Ho, Kim Yong-chun, Kim Jong-gak iyo U Dong-chuk, waxay ahaayeen ruug-caddaagii hoggaaminayey Kacaanka Koonfur Kuuriya. Laba ka mid ah ayuun baa hadda la og yahay in ay ka sii nool yihiin. Iyagana laftoodana lama saadaalin karo in uu dhegta dhiigga u dari doono iyo in kale.
Kali-taliyahani sida la sheegay wuxu hore toogasho ugu dilay Madaxweyne-Xigeenkii hore ee dalka Jang Song Thaek oo ahaa adeerkii ay u dhaxday eddadii, kadib markii lagu eedeeyey musuqmaasuq iyo tumasho. Waxa kale oo sida la sheegay uu laayey 11 sarkaal oo daacad u ahaa adeerkii Jung. Waxa ka mid ahaa Wasiir-Xigeenkii Gaashaandhigga.
Saddex kale oo ka mid ah Golaha Sare ee Kacaanka ayuu sidoo kale u dhammeeyey iyadoo mid ahaantood aan ilaa hadda la ogayn si loo dilay iyo meel uu ku dambeeyey.
Dunidu waxay ka argagaxday qaabka Wasiirka Gaashaandhigga loo dilay. Waxa loo adeegsaday laguna jarjaray hilibkiisa qori lidka diyaaradaha ah iyadoo ay daawanayeen boqolaal saraakiil milatari ah oo dhiig-daadin u haraadan.
Sababta dilka Wasiirka ayaa lagu sheegay in uu gam’ay mar uu Madaxweynuhu khudbad jeedinayey isla markaana uu marar kale hadal ku soo celiyey Madaxweynaha.
Raggan uu kurka ka guray waxay ahaayeen nimankii isaga (Kim Jong-Un) ku tababaray shaqada una layliyey hoggaanka qaranka markii xilka loo dhaariyey 2011 kadib geeridii aabihiin.
Madaxweynaha Koonfurta Kuuriya sida muuqata wuxu goostay in uu meesha ka saaro hoggaamiyeyaashii ruug-caddaaga ahaa ee u sarreeyey Kacaanka Koonfur Kuuriya, wuxuna sida la sheegay danaynayaa in uu isku wareejiyo jiil cusub oo uu kalsooni ku qabo.
Il-wareed: Daily Mail
bandhige@gmail.com