Ra’iisal wasaaraha Japan Shinzo Abe ayaa ku dhawaaqay is casilaadiisa sababo caafimaad awgood, Kadib Muddo Sideed Sano Ah Oo Uu Xukunka Hayay
Ra’iisal wasaaraha Japan Shinzo Abe ayaa maanta ku dhawaaqay is casilaadiisa sababo caafimaad awgood, taas oo soo afjaraysa muddo sideed sano ah oo uu xukunka hayay.
“In kasta oo sanad iiga hadhay muddo xileedkayga ayna jiraan caqabado la waajahay, waxaan go aansaday in aan iska casilo xilka raiisul wasaare,” Abe ayaa ka sheegay shir jaraa’id oo uu ku qabtay Tokyo maanta.
Abe waxaa ku dhacay cudurka loo yaqaan ‘colitis’, waana cudur aan laga bogsan karin oo ku dhaca mindhicirka, kaas oo sidoo kale ahaa qodob ka mid ah iscasilaaddii lama filaanka ahayd ee uu iska casilay jagada ra’iisul-wasaaraha 2007, kaasoo soo afjaray waqtigiisii ugu horreeyay kadib markii uu hal sano xafiiska hayay. Subaxnimadii Isniinta, Abe wuxuu booqday Cusbitaalka Jaamacadda Keio ee ku yaal Tokyo waxa uu ahaa booqashadiisii labaad ee cusbitaalka toddobaad gudihiis.
Bandhige@gmail.com