Shan askari oo ka tirsan saraakiisha booliiska dalka Kiiniya ayaa la dilay kadib markii maleeshiyo lagu tuhunsan yahay in ay ka tirsan yihiin kooxda Al-Shabaab ay weerareen kolonyo baabuur booliis ah, oo ku safrayey qeybo ka mid ah Woqooyiga Bari ee dalkaas.
Booliiska ayaa sugayey amniga gaadhi rakaab ah oo ku safrayey meel u dhow magaalada Ceelwaaq ee xadka Soomaaliya, markii maleeshiyada ay ku dhufteen gantaal laga soo rigay qoriga RPG ama Soomaalidu u taqaan sabanka.
Sidoo kale Badhasaabka Gobolka Mandheer a ayaa waxa uu bartiisa Twitter-ka soo dhigay qoraal kooban oo u dhignaa sida tan:
โWaxaan cambaareeneynaa weerarka ay kooxda Al-Shabaab saaka ka fuliyeen deegaanka Dimu, oo shan sarkaal lagu dilayโ
Kooxda Al-Shabaab ayaa weeraro is-daba joog ah ka fulisa guddaha dalka Kiiniya, gaar ahaan xuduudda Kiiniya iyo Soomaaliya, halkaasi oo weeraro dhowr ah oo ka dhacay lagu dilay dad badan oo Kiiniyaan ah.