In ka badan 50 qof ayaa ku dhintay kadib markii diyaaradaha dagaalka duqeeyeen suuqa khuraadta lagu iibiyo oo ku yaala magaalada Macarrat Al-Nucmaan oo ku taal gobolka Idlib ee intiisa badan fallaagadu gacanta ku hayaan.
Weerarka ayaa waxa dhacay wakhti ay kooxaha mucaaridku ku baaqeen in ay ka baxayaan shirka taasi oo ay ku eedeeyeen dawladda in ay jabisay heshiiskii xabad joojinta ahayd, oo ay wali ka wadaan duqaymo ay ku beegsanayaan goobaha mucaaridku maamulo.
Hadal cadho leh oo uu jeediyay ayaa Riyad Xijaab ku shaaciyay in mucaaradku hakinayaan ka qaybgalka wadahadallada, isagoo sheegay in aanay sii wadi karin iyadoo dadka Suuriya ay dhimanayaan.