Wasiirka Wasaarada Duulista Hawada iyo Gaadiidka Cirka Farxan Aadan Haybe oo socdaal shaqo ku joogay maalmahanba Magaalo Madaxda Gobolka Togdheer ee Burco ayaa waxa uu soo kormeeray Madaarka Magaaladaasi qaybihiisa kala duwan.
Wasiirku waxa uu shaaca ka qaaday in Runway-ga Madaarkaasi la bilaabi doono dhismihiisa horaata Sanadka soo socda ee 20017, kulan uu Wasiirku Xafiiska Maamulaha Madaarka Burco ku qaatay Masuuliyiinta kala duwan ee Madaarkaas, ayaa ahaaย mid lagaga wada hadlaayey danaha iyo mustaqbalka Madaarka.
Maamulaha Madaarka Burco Cabdi Yaasin iyo Gudoomiyaha Gudiga ย dib u dhiska Madaarka ayaa faahfaahin ka siiyey halka ay Marayaan ย ย hawlaha dib u casriyanta Madaarka, ugu horayan Maamulaha Madaarka Cabdi Yaasin oo halkaasi ka hadlaya ayaa yidhi:
โWaxaa farxad weyan ii ah in aan halkan ku soo dhaweeyo mar labaadkii, Wasiirka Wasaarada Duulista Hawada iyo Gaadiidka Cirka iyo Waftiga uu hogaaminayo, waxaa in badan aanu halkan kaga hadlanay ama la iska waydiiyey Madaarka Burco, oo hadal hayntiisu aad u badnayad, ayaa waxaanu ugu bushaaraynaynaa, in maanta halkan waftigani ay u marayaaan, sidii ay u dhigi lahaayeenย ama u tilmaami lahaayeen goobta shaqadu ka bilaabmayso.โ
Wasiirka Wasaarada Duulista Farxaan Aadan haybeย oo halkaasi ka hadlay ayaa ydhi:
โMadaarkan runtii dadaal badan ayaa la galiyey, dadaalkaasina waxa uu ka yimi isku tashigeena ka Xukuumad ahaan iyo Dadweynaha Tuntunta u ah Dalkan,ama Dhaqaale ha noqoto ama Talo ha noqotee, awoodaa la isu geeyay ayaa keentay suurtagalnimada ah in maanta lagaba fikiro sidii Runwaygiisa loo samayan lahaa iyo Terminal-ladiisa, awal dhul la degan yahay ayuu ahaa waa la baneeyay sidaan taariikhda ku hayo, Xayandaabkaas dheer ayaa la sameeyay ee qaybina ay tahay dhismaha qaybina ay tahay Taarka, runtii waan uga mahad celinayaa Maamulaka iyo Gudigaba, isku duubnaantaa iyo feejignaantaa iyo ka hawal galistaa, waxa aynuย ognahay Madaar in Runway-giisa la sameeyaa shaqo fudud maaha, waa hawl runtii u baahan ka fiirsasho iyo aqoon iyo xirfad u baahan weeye, Nashqadihii way noo yimaadeen, maantana halkan waxaanu jooganaa waxa weeye ee aanu ilaa xalayba shirarka ugu jirnay, sidii loo bilaabi lahaa iyo qaabkii loo bilaabi lahaa in aanu qorshayno, dhismaha uguย horeeya ee Runway-ga.โ