Wefti uu hoggaaminayo wasiirka wasaarada Arrimaha Gudaha Somaliland Cali Maxamed Waran Cadde ayaa saaka aroornimadii gaadhay Xarunta Gobolka Sool ee Laascaanood.
Socdaalka weftigan ayaa ujeedadoodu tahay sidii ay uga qayb qaadan lahaayeen dagaalka laba beelood ku dhex maray deegaan ka tirsan Gobolka kaas oo khasaare dhimasho iyo dhaawac iskugu jira soo gaadheen beelaha kuwaas oo dhaawacii haatan lagu daweynayo cisbitaalada Hargeysa, Burco iyo Laascaanood.
Badhasaabka Gobolka Sool oo ugu horeyn la hadlay warbaahinta ayaa sheeay in shaqaaqadiii ka dhacday miyiga Laysla ay gaadheen ciidanka qaranku wali wax dambe ka dhicin xaaladadan maamulayaan ciidanka qaranku.
Wasiirka Arrimaha Gudaha ayaa markii uu gaadhay Laascaanood la hadlay warbaahinta ayaa sheegay cidii diida wada xaajoodka iyo wanaaga ay gacan bira wax kaga qaban doonaan, isagoo arrintaas ka hadlayana waxa uu yidhi:
“Illaahaybaa Mahada leh waxaaniu saaka soo gaadhnay gobolka Sool magaalada Laascaanood sidaa badhasaabku sheegay waxaa runtii ka dhacay waxyaalo naxdin leh oo aan runtii loo baahnayn, ka dawlad ahaana waxaanu jecelahay in aanu wax ka qabano wixii nagaga aadan run ahaana waxaanu shacabka u sheegaynaa in aanu gacan wax kaga qaban doono cidii u hoggaansami weyda awaamiirta qaranka oo cudud ciidan u adeegsan doono dabkana la saari doono markaa wixii gaadhay cid walbaaba iyadaa is eersan doonta.”
Wasiirku sidoo kale isaga oo hadalkiisa sii watana waxa uu mahadnaqay Guurtida, Salaadiinta iyo waxgaradka dhexdhexaadinta hore uga waday goobtaasi.