Sebenkii ay Adlof Hitler iyo Xisbigiisii Naasiyiinta xukumayeen Yurub, sarkaal dhalinyaro ah oo ciidanka Naasiga ka tirsanaa ayaa lagu dhaawacay dagaal ka dhacay lama degaanka Tuniisiya.
Dhawaaca ayaa sababay in sarkaalka laga jaro gacantiisa midig, iyo weliba saddex farood oo gacanta kale ah. Waxa kale oo dhaawacaasi ka dhashay inuu ishiisa bidix waayo.
Sarkaalka ayaa nacayb aad u xun u qaaday kooxda maamulka ee Hitler iyo saaxiibadii, waxaana uu goostay inuu tiritiro Hitler iyo xisbigiisa Naasiga.
Sarkaalka oo lagu magacaabi Colonel Claus von Stauffenberg waxa uu ah sarkaalkii ku kacay isku daygii ugu halista badnaa uguna geesinimada badnaa ee lala beegsado Hitler, kaasi oo ka mid ahaa 15-kii isku day dil ee Hitler lala beegsaday si loo dilo. Dhacdada xaqiiqda ah ee laga sameeyay filimka โValkyrieโ lana soo saaray sanadkii 2008 oo socda 120 daqiiqo lagu soo bandhgay afegmebiga iyo isku dayga dilka Hitler
Ka dib markii ciidankii Jarmalka ay la kulmeen guuldarooyin isdaba joog ah dalalkii ay haysteen iyo weliba jabhado kala duwan oo ka curtay deegaanadii ay ka talinayeen, kuwaas oo sabab u ahayd goโaanada khaldan ee ka imanaya Hogaanka sare ee Naasiga Jarmalka โHiItlerโ, iyo kooxdii la talinaysay waxa muuqday in jabkii Jarmalka la gaadhay.
Kornayl โStauffenbergโ waxa uu ahaa nin hami sare leh oo si dhakhso ah u dalacay ilaa uu ka gaadhay jagada Taliyaha ciidamada Kaydka ah ee hawshoodu tahay badbaadinta dalka. Laakiin Kornaylku aad ayuu xanaaqsan yahay, waxaana uu ku hamiyay dilka Hitler.
Awoodaha ciidanka keydka ee xukumo waxaa ka mid ah in hawlgal militari oo qarsoodi ah ay qaadi karaan haddii ay dhacdo in Hitler ama dalka ay soo food saarto khatar ama afgambi. Kuwaasi oo soo faragelinaya isla markaana khatarta burburinaya. Kornayl Stauffenberg, ayaa ku dadaalay in koox saraakiil sare ah oo ay isku fikrad noqdaan sameeyo kuwaasi oo ay ka mid ahaayeen Lieutenant General Friedrich Olbrecht, Major General Henning von Treskummer, iyo Field Marshal Rommel oo aan isagu ka qayb qaadan laakiin ogolaaday.
Waxaana uu goโaansaday inuu adeegsado howlgalka โValkyrieโ si uu u fuliyo afgambigii ka dhanka ahaa Hitler. Hawlaglka โValkyrieโ ayaa mid si degdeg loo hawlgelinayo ciidanka iyadoo laga hor tegayo khatarkata ku socota hogaamiyaha Hitler ama dalkaba.
Dabcan, isku daygii la doonayay in lagu dilo Hitler waa uu fashilmay, markii loo dhigay inuu dilo Hitler aanu ku dhiman.
Field Marshal Wilhelm Keitel ayaa isaguna markii uu ogaaday in bamka aanu dilin Hitler, diiday inuu bilaabo hawlgalka Valkyrie, taasi oo iyana fashilka qayb ka ahayd.
Yeygu waxa uu ka soo baxay hogiisa isagoo dhaawacan, waxaana u ku dhowaaqay eraydan: โ Waxa aan uga badbaaday geerida qaab aan caadi ahayn, hadda si aad ah ayaan ugu qanacsanahay in wax walba la soo afjari karo โ.
Ciidanka Kaydka ah ayaa fuliyay amarrada hogaanadooda iyagoo u maleeyay in Hitler dhintay. Waxay qabsadeen dhowr xarumood oo rasmi ah, oo ay ku jiraan Wasaaradda Dagaalka iyo dhismaha baarlamaanka, iyagoo xidhay xubno muhiim ah. laakiin arrimuhu si tartiib tartiib ah ayey faraha uga baxeen,
Waxaana la qabtay Kornaylkii hogaaminayay afgembiga Stauffenberg iyo kuwii la socdayba iyadoo isla markiiba la toogtay. Maanta Colonel Claus von Stauffenberg waxaa looga arkaa dalka Jarmalka inuu ahaa halyeey qaran oo isku dayay inuu ka saaro, kana badbaadiyo Jarmalka ciqaabta iyo xukunka cabudhinta ah ee ay ku jireen.
Filimku wuxuu iftiiminayaa saraakiishii Jarmalka ee sida xamaasada leh uga sheqeeyay imaatinka Hitler ee xukunka, inay ku noqoatay markii danbe fajiciso aanay filayn in Hitler burbur iyo naxdin gaadhsiin doono Jarmalka iyo dunida kaleb.
Xigasho:wargeyska dawan Bandhige@gmail.com
